139) 诚以盖以原以凡以, 并所以无非乃cohome。gvnin, jalin, turgun, 整字长音俱可托。上文顿住另叫起, 则用ere cohome。
julgei niyalma banjire be waliyafi jurgan be gaihangge, cohome jabxan de guwere anggala, jurgan be tuwakiyarangge wesihun de isirakv sere turgun.
古人舍生以取义者，诚以幸免不如守义之为贵也
yaya bithei urse be ujire kesi, bithei urse be tacihiyara doro be, yooni umesi akvmbuhangge, cohome bithei niyalma be duin hacin i irgen i uju sere turgun.
凡所以养士之恩，教士之法，无不至尽，盖以士为四民之首也
tacikv tacihiyakv be ilibuhangge, cohome niyalmai erdemu be hvwaxabuki, geren i tacin be jiramilabuki sere jamin.
学校之设，原以成人才而厚风俗
tere tacibukv hafan i oronde, yooni tukiyesi silgasi sebe baitalabuhangge, cohome saisa be yendebume erdemu be hvwaxabuki, irgen be wembume, tacin be xanggabuki sehengge.
其广文一官，悉以孝廉明经取用，凡以兴贤育才，化民成俗也
gurun boo fafun ilibuhangge, cohome ehengge be isebure, sain akvngge be targabure jalin.
朝廷之立法，所以警不善而惩无良
enduringge niyalma jalan be ulhibume irgen be tacibuhangge, cohome abkai fejergingge be gemu tob de forobukini sere gvnin.
圣人觉世牖民，无非使天下胥归于正也
“dorolon i nomun” de：“kumdungge be jafara de, jalungge be jafara adali, untuhun bade dosire de, niyalma bisire gese.” sehengge, cohome niyalma de ginggun be obure tacin be tacibuhangge kai.
《礼》云：“执虚如执盈，进虚若有人”，乃教人主敬之学也
tere dulimba be teng seme jafa sehengge, cohome yoo han i xvn de afabuha mujilen i doro kai.
允执厥中者，是尧授舜之心法也
“dasan i nomun” de：“erdemu sehengge toktoho sefu akv, sain be da ararangge be sefu abuhabi.” sehengge, cohome niyalma be sain be sonjofi dahakini serengge kai.
《书》曰：“德无常师，主善为师”，乃是教人择善而从也
dung dzi i henduhengge：“tumen irgen i absi be daharangge, uthai mukei wasihvn ici eyere adali, tacihiyan wen i tosome seremxerakv oci, nakame muterakv ombi.” sehebi. ere cohome irgen be dasarangge, bira de dasara ci dabanambi. dorolon jurgan i tacihiyame wemburakv oci, terei buyen be ilibuci ojorakv sere turgun.
董子曰：“万民之从利也，犹水之走下，不以教化堤防之，不能已也”。诚以治民甚于治川，不以礼义教化之，其欲不可遏也
