无线全新25集重头剧《金式森林》即将开拍，此剧乃“三届视帝”郭晋安（安仔）宣布离婚后首部剧集，对上拍的已是两年前的《回归》及《白色强人II》。虽然经历婚变，但向来专业的安仔一切已准备就绪。
《金》剧故事围绕豪门家族承传、斗争，剧中安仔是上市公司主席，有3个儿子，由何广沛、陈浚霆及罗天宇饰演，而广沛及浚霆的太太分别是何依婷、陈星妤，罗天宇则与罗子溢细妹郭柏妍有感情线。今次较为突破的是女主角陈晓华（Hera）会跟安仔谱出“忘年恋”，Hera是安仔的继室。至于“开斋”拍剧的港姐冠军庄子璇则会饰演安仔的乖乖女。剧中其他演员还有龚慈恩及江嘉敏等。
安仔本月初与欧倩怡爆出离婚消息，之后二人一直没有露面，去年底安仔曾跟16岁儿子郭令山到英国音乐学院面试，儿子更成功被取录。安仔昨日受访时坦言接拍此剧时已跟剧组请定假，8月将会陪儿子到英国准备开学：“8月尾我要同佢过去两个星期，希望我啲戏份可以喺之前完成晒啦！如果唔系就要喺英国返嚟先再拍。”又指今次新剧配搭新鲜，特别与Hera的一段忘年恋：“之前我同佢拍过同一套剧，但就冇对手戏，希望大家可以早啲入戏啦！”剧中他有3子1女，大仔是何广沛，他笑言对他来说都是一个大挑战，因为从未试过有个这么大的儿子。
至于饰演安仔继室的Hera谓：“我之前拍完《巾帼枭雄之悬崖》后都有半年未开过剧，知道就快开工都有Keep住每日做运动，勤力啲等自己尽快进入工作模式。今次对我嚟讲系一个好宝贵嘅挑战，但系我唔会畀自己太大压力，反而希望尽情投入呢个角色。”说到剧中要跟安仔发展忘年恋，她谓：“现实生活中我真系未试过，不过我觉得爱都有分好多种类，依家继续尝试去认识呢个角色嘅爱。（造型会唔会需要成熟一啲？）我造型都未定晒，所以仲未知道系点。”
处女下海拍剧的庄子璇戏份不少，饰演安仔又乖又嗲的宝贝女，她谓：“我第一次见爸爸（安仔）时，佢问应该点样称呼我，嗰阵我已经紧张到口窒窒，佢叫我当佢系Daddy就可以，真系好亲切。因为我细个成日睇佢嘅剧，我冇谂过可以有一日咁近距离同佢接触、合作，所以真系好期待。”问到首次拍剧是否压力很大？她说：“少少啦！大家都话我第一次放松啲，不过我唔想拖累大家，所以自己都做咗好多准备。监制都畀咗唔少意见我，好似含住粒话梅讲嘢，会更加清晰，又或者咬住木塞读报纸，令自己咬字更清楚。我又会为角色写日记，谂吓佢心态点样，感情点样表达，收到剧本时，都有对镜练习，睇吓表情系咪恰当、自然。”
而郭柏妍于剧中饰演罗子溢妹妹，与罗天宇有感情线，她谓：“佢两个我都系第一次合作，但系因为剧本未出晒，我都好期待发展成点。（剧中好多女角？）我都系第一次同佢哋合作，所以今次组合好新鲜。”而天宇笑言：“我同广沛演过兄弟都系做佢细佬，但我真实年纪大过佢，所以感觉几得意。今次角色又系几唔似我，比较Chill啲，唔系好理世事！”
艺人陈浚霆于《爱．回家之开心速递》中“风少”一角备受注目，他终于一尝“离家”滋味，于新剧《金式森林》中饰演郭晋安的儿子，以及与陈星妤饰演夫妇。浚霆昨日受访时谓：“非常之期待，因为入咗《爱》剧后都未有机会出去拍剧，今次戏份都比较多，我同陈星妤首次合作拍剧，希望大家有火花啦！”
他又指收到拍此剧消息后，《爱》剧台前幕后戥他开心之馀亦甚表支持，他谓：“我都有同古佩玲分享，佢话有乜嘢可以同佢倾，我都唔想失礼《爱》剧剧组，希望将我喺度学到嘅发挥到。”说到跟郭晋安演父子，他兴奋谓：“以前我喺美国读书时，都有喺唐人街买佢剧集嘅DVD睇，希望今次可以向佢偷师。”