2018年01月25日
【生果】【冯仁昭四围超】阿叻黑面交戏
狄龙拍思捷爆肚
■李思捷（右）同苏玉华赞狄龙（左）有修养，系好好嘅合作伙伴。
李思捷、狄龙、苏玉华、钱小豪同林敏骢等主演新片《一家大晒》，前晚喺九展举行首映礼，陈百祥（阿叻）、许冠文、汪明荃、薛家燕、毛舜筠同麦明诗等撑场，思捷同阿苏见咁多圈中朋友到场支持，佢哋都话好感动。
成日做下靶位
狄龙之前受访闹爆有导演拍拍吓戏，丢低工作去食烧鹅，思捷同阿苏就赞狄龙系好好嘅合作伙伴，为人仲好有修养。思捷话：「狄龙大哥经常有好多金句，有时佢爆肚出嚟仲好过剧本对白，所以就索性用佢嘅版本。」阿苏话：「其实私底下狄龙大哥好有幽默感，似个大细路，一啲都唔严肃，而且文学修养好，成日都出口成文。」
讲到日前举行嘅台庆颁奖礼，有指阿叻同主持之一陆永互寸，最后搞到陆永被照肺，阿叻话当时只系搞气氛：「如果要坐定定照稿读嘅使乜搵我哋，讲真我都唔知道佢会讲错剧名，所以我咪接住讲，陆永嘅反应好好，如果佢唔窒番我，就反而唔好啦。」但当时镜头见到阿叻黑面，佢就解释系交戏：「呢啲系我要交戏，讲真下靶我哋都成日做㗎啦！」
撰文：冯仁昭
2018年01月24日
【生果】【陆永被照肺】互窒后黑面 陈百祥：呢啲系交戏
建立时间 (HKT): 0124 11:31
陈百祥(阿叻)噚晚到九龙湾出席电影《一家大晒》首映，阿叻就话：「今次系一套纯港产片，自己一定要嚟支持，嚟紧都考虑再接拍港产片，其实一路都Keep住有搵我拍，但我唔想重复以前嘅题材，希望今年可以拍吓其他。」
讲到早前喺台庆颁奖礼同司仪陆永互串，有指因此陆永搞到被照肺，阿叻话：「我都有留意报道，都唔知点解会咁大篇幅。」佢话当时只系搞气氛：「如果要坐定定照稿读嘅使乜搵我哋，讲真我都唔知道佢会讲错剧名，所以我咪接住讲，陆永嘅反应好好，如果佢唔窒番我就反而唔好啦。」但当时镜头见到你有啲黑面喎？阿叻话：「呢啲系我要交戏，讲真上下把我哋都成日做㗎啦。」
阿叻话估唔到同陆永互窒，都唔知点解会咁大篇幅。
摄影：沈健程
福禄寿
