藝人陳展鵬出席網上時裝活動，對於日前拍攝無綫新劇《天命》時不慎弄傷頸，現場所見，其兩邊頸項也有拔罐造成的紅印，展鵬表示現時傷勢已沒有大礙，為免影響同劇演員，故也沒有停工療傷，他謂：「佢哋已經等咗我好耐啦！再停會頂唔順，所以我用盡所有方法，好似針灸、拔罐等佢快啲復原，已經冇兩日前咁辛苦，條頸可以慢慢扭，但垂低就唔得，需要啲時間。」
「想令觀眾開心」
談到其新劇《乘勝狙擊》內一段對林夏薇唱台山話生日歌儼如爆粗，展鵬否認謂：「唔會，爆粗公司都唔會出到街，其實係台山話生日歌，係想搞笑同令觀眾開心，泰國話都好笑㗎！唔可以話係粗口，如果普通生日歌就好悶。」不過展鵬就表示近日忙於新劇開工，未有留意《乘》劇收視，但就承諾會盡可能抽空出席宣傳。