认唔认同广府文化先?

我个人观点: 如果楼主认同广府文化, 同时亦认同客家文化, 噉你系广府人, 你又系客家人.

我觉得无可能同时认同！广府只有单一认同

广府人标准就系广府优�

如果一个人嘅老豆系英格兰人, 阿妈系苏格兰人, 佢同时认同英格兰文化同埋苏格兰文化, 噉佢算系咩人? 点解唔可以同时认同两种文化?

楼主嘅情况同我喺6楼讲嘅情况差唔多. 两种文化都系佢人生嘅宝贵财富, 点解佢需要选择? 点解唔可以同时热爱?

我记得有啲人钟意问小朋友, 　你钟意你阿爸多啲呢, 定系你阿妈多啲?　其实，小朋友根本冇办法做选择，因为佢两个都爱．　同样，　佢阿爸嘅文化同埋佢阿妈嘅文化，佢都好难做选择．最好嘅选择就系两个都爱.

楼主,

其实我觉得2楼吧友讲得几好: 　你自己认唔认同广府文化?　爱唔爱广府文化？　

如果有人讲出侮辱广府文化 侮辱广府人嘅说话，你会唔会感到气愤，会唔会挺身而出，捍卫广府文化，捍卫广府人呢？　如果你会嘅话，　你系广府人！

＝＝＝＝＝＝＝＝＝＝＝＝＝＝＝＝＝＝＝＝
　

可以认同两种文化但唔可以认同两个族群，所以如果你广府优先就系广府人反之唔系�

佢系混血儿嚟噶. 　 点解唔可以同时认同2个族群呢? 英格兰人同苏格兰人嘅混血儿可以同时认同2个民族, 点解广府人客家人嘅混血儿唔可以?　我唔系最明. 

如果有人侮辱广府人, 佢挺身而出捍卫广府人. 如果有人侮辱客家人, 佢都会企出嚟捍卫客家人, 噉又有咩唔好呢? 　

其实楼主嘅问题，好多人都曾经问过．有唔少黑人白人嘅混血儿，佢哋青少年时期好迷茫，因为佢哋唔知道自己究竟系白人定系黑人，唔知道应该认同边一种文化． 

呢张照片入面嘅人系黑(父亲)白(母亲) 混血儿 Halle Berry (奥斯卡影后). 佢都曾经挣扎, 唔知到自己应该认同边一个种族. 最后, 佢谂明白一件事, 其实佢唔需要选择, 唔需要介意人哋点睇, 佢可以同时认同两边. 佢谂清楚呢一点之后, 佢快乐咗好多.

贴佢嘅照片, 我都有啲私心嘅. 因为我觉得佢系世界上最美丽嘅女人之一.

===============================

我个人睇法如果系双母语既话，我始终觉得以广府优先先系广府人，当然如果对于无理攻击无论乜野族群都应该支持�

母语系粤语嘅基础上我认为有广府之心先系广府人，双认同我觉得好假，人要必需要作出选择，楼主依家就睇你认同边个民系多啲喇�

如果你广府优先就系广府人