如果冇语言环境, 我谂上海话系好难自学嘅 -- 大家可以搵到好多广东话嘅电影同埋歌曲, 冇广东话语言环境嘅人亦有机会自学广东话, 而上海话嘅电影同埋歌曲就好难搵得到.

你好幸运, 有机会接触多种文化 -- 广府, 潮州, 吴, 同埋海外文化. 呢啲唔同嘅文化都系你人生嘅财富嚟嘅. 希望你可以将呢啲财富传畀你嘅下一代.

================================

楼主中意点就点啦!

我好想宽容但系唔知点解我始终觉得广府优先,我先会认同距为自己人,楼主双认同系个人自由,我亦唔干涉.呢D纯属我个人观点,亦唔代表大多数广府人观点.

41楼 粤人心2 吧友:

我明白同埋尊重你嘅感受.

一个人嘅观点同佢嘅成长环境人生历程有关. 
大家有唔同嘅观点, 好正常吖. 如果大家嘅观点完全相同, 噉就唔使交流嘞. 大家有唔同嘅睇法, 一齐交流先有意思, 可以令到我哋去谂自己头先唔会去谂嘅嘢.

=====================================

广府系开放包容既，体下尼个帖子，或者对你有启示：
http://tieba.baidu.com/f?kz=516129141

43楼朋友，你畀出嘅内容已经喺广府吧另一张帖贴过，建议你唔好再贴出其他吧相同内容嘅链接。此外，如果你需要喺广府吧讨论呢个问题建议相同嘅内容只贴一次，唔好重复贴�

43楼 粤人忧天 吧友, 我谂44楼所指嘅相同内容, 系以下呢张帖:

http://tieba.baidu.com/f?kz=468236279

欢迎你去呢张帖度, 继续讨论广府民系嘅问�

我同意9楼朋友的观点

我个人观点: 如果楼主认同广府文化, 同时亦认同客家文化, 噉你系广府人, 你又系客家人. 
---------------------------------------
 我觉得无可能同时认同！广府只有单一认同 
---------------------------------------
能做到3楼既包容固然好，但太理想化，事实只能如4楼所讲无可能同时认同，不过原因唔出在广府身上，到客家网站体返距地自己系点样评价尼D人就知。
广府人真系好无奈，好多时唔系我地唔包容人，而系对方唔包容我地。就如北方人对待广东人既语言问题一样，其实广东人都已经讲晒普通话，但距地总系觉得未够，距地黎到广东，点解唔恁下稍为迁就返我地呢，普通话人善待粤语，都系一种包容既表现。
吧主既言行比较善良，但讲句得罪既有时好像有D孩子气。总系希望以自己既善意获得人地既认同，尼个亦系大部分广府人既特点，但尼D改变唔倒广府正在没落既事实。其实广府既权利系要靠我地自己去争取既，笑脸有时唔一定得到好报，退让未必就系出路，有理有节有利先系正道，广府需要实干，有雷霆之势既领袖黎带头！

回应下48楼 粤人忧天 吧友:

虽然我性格温柔, 但系我爱粤护粤嘅心就好坚定. 喺重大原则方面, 我从嚟都唔会退让半步, 无论压力有几大. 
 
我用善意去待人, 唔系因为我想获得人哋嘅认同, 而系因为我觉得人原本就应该用爱同诚意去待人. 喺现实生活之中, 我噉做会令到我同我周围嘅人更加快乐. 

大家或者对Vibin911 吧主唔多了解, 我借呢个机会向大家介绍下佢. 佢系我认识嘅心地最善良嘅人之一, 但系喺原则问题方面, 佢又好勇敢好坚定! 当初, 就系因为佢嘅呢份勇气同埋呢份坚定, 令我好敬慕佢, 愿意同佢一齐振兴广府吧!

如果 Vibin911同我系退缩之人, 如果我哋唔系实干之人, 当初呢个广府吧点可能攞返到广府人手中？ 知唔知其中有几多挫折? 知唔知 Vibin911 嘅吧主申请俾百度拒绝咗十几次, 佢一直唔放弃, 一直坚持, 百度先批准嘅? 如果我哋系轻易退缩 轻易放弃之人, 我哋点可能做到广府吧吧主, 点可能振兴广府吧? 至于 58_62_223_☆, 佢喺粤语吧捍卫粤语嘅历史, 我谂大家都有所了解, 我就唔多讲喇. 

最后, 我想讲 Vibin911 同我 做咗广府吧吧主之后, 广府吧从来都未退缩过. 我哋一直喺度尽自己嘅努力, 为广府文化, 为广府人, 为广府吧争取尊严. 58_62_223_☆ 做咗吧主之后, 佢同我哋一齐为广府人嘅尊严, 为广府文化嘅发扬光大而努力. 我讲呢啲, 系希望大家放心, 我哋知道应该点样去面对任何压力, 知道点样去令广府吧发展壮大.

喺呢度, 我代表广府吧管理团队感谢各位吧友. 感谢你哋嘅参与, 感谢你哋嘅付出, 感谢你哋嘅支持! 广府吧有今日, 皆因有你哋! 

============================================

子姜吧主讲得好啱。喺重大原则方面，我哋广府吧三个吧主不知几坚定，冇得退缩，但系我哋抗击主动攻击嘅人之外，一样系打开大门迎接中意广府文化嘅百方好友嘅。喺几个月前广府吧“白手兴家”嘅艰苦时期，vibin吧主同子姜吧主锲而不舍做嘅贡献，新来嘅吧友可能完全唔知道，但系我的确系发出由衷嘅敬佩嘅。

各位吧友如果对吧主有咩意见同建议，可以清楚具体噉提出，但系最好做足调查同有理有据噉发言噃。我觉得两位吧主善意而立场坚定嘅处事方式系完全可以理解嘅。

能做到3楼既包容固然好，但太理想化，事实只能如4楼所讲无可能同时认同，不过原因唔出在广府身上，到客家网站体返距地自己系点样评价尼D人就知。 

-----------------------

48楼 粤人忧天 吧友你认为民系冇可能同时认同，但系我识嘅人就有人系同时认同两个民系嘅，有广府+客家认同，有广府+潮汕认同，亦有广府+吴越认同，当然仲有其他。所以呢啲反例足以打破你嘅推测。呢啲系实实在在嘅例子，唔系理想化，如果你单凭空想认定一个人只可能属于一种民系，似乎都冇咩意义噃。一个人有双母语，认同双民系嘅话，佢属于双民系嘅资格唔系人哋几句评价就可以剥夺到嘅。

广府人真系好无奈，好多时唔系我地唔包容人，而系对方唔包容我地。就如北方人对待广东人既语言问题一样，其实广东人都已经讲晒普通话，但距地总系觉得未够，距地黎到广东，点解唔恁下稍为迁就返我地呢，普通话人善待粤语，都系一种包容既表现。 
吧主既言行比较善良，但讲句得罪既有时好像有D孩子气。总系希望以自己既善意获得人地既认同，尼个亦系大部分广府人既特点，但尼D改变唔倒广府正在没落既事实。其实广府既权利系要靠我地自己去争取既，笑脸有时唔一定得到好报，退让未必就系出路，有理有节有利先系正道，广府需要实干，有雷霆之势既领袖黎带头！

---------------------

的确，广府民系需要大力争取返自己嘅权利，“有理有节有利”呢点讲得啱。而你讲得出“有理”呢点，肯定就知道维护自身族群权利嘅同时唔应该伤害其他人，矫枉过正就会变成无理。我哋嘅目标系维护自身族群利益嘅同时同其他族群和平共处，共同发展，而唔系制造斗争同延续矛盾，至于点样解决问题，就需要大家嘅大智慧。

我再回应下48楼所讲嘅:
 
"能做到3楼既包容固然好，但太理想化，事实只能如4楼所讲无可能同时认同"

======================================
我想讲, 我唔系太理想化, 而系我亲眼睇到好多混血儿可以做到双重认同. 我唔怕话你知, 我自己家族里边就有好多混血儿, 包括好多中西混血儿, 我自己嘅朋友都有好多中西混血儿. 大家都可以做到双重认同. 既然中西混血儿都可以做到双重认同, 噉父母都系华人嘅人, 其实亦可以做到双重认同.

====================================

52 回复：请问我算不算广府人？ 
 子姜吧主讲得好啱。喺重大原则方面，我哋广府吧三个吧主不知几坚定，冇得退缩，但系我哋抗击主动攻击嘅人之外，一样系打开大门迎接中意广府文化嘅百方好友嘅。喺几个月前广府吧“白手兴家”嘅艰苦时期，vibin吧主同子姜吧主锲而不舍做嘅贡献，新来嘅吧友可能完全唔知道，但系我的确系发出由衷嘅敬佩嘅。 

各位吧友如果对吧主有咩意见同建议，可以清楚具体噉提出，但系最好做足调查同有理有据噉发言噃。我觉得两位吧主善意而立场坚定嘅处事方式系完全可以理解嘅。 
 
 
 作者： 58_62_223_☆ 2008-12-23 00:48 　 回复此发言 
 
--------------------------------------------------------------------------------
 

真系好有道理，喺大是大非面前，我地需要有坚定嘅立场。