台慶頒獎禮︱馬國明奪大灣區視帝 楊茜堯膺視后
台慶頒獎禮上,藝人湯鎮業、鍾鎮濤一齊頒發大灣區多個大獎,當中「大灣區最喜愛TVB劇集」由《黑色月光》奪得,監製鍾澍佳率領台前幕後工作人員上台領獎,楊茜堯、林夏薇兩位女主角先後講感言,感謝無綫眾高層以及台前幕後外,楊茜堯還表示:「最緊要多謝伯樂監製佳導,我估唔到佢會搵個師奶返嚟做女殺手,好開心接到呢個劇集,同咁多好拍檔」,林夏薇亦好開心可以有一個可突破自己的角色。
《黑色月光》奪大灣區最喜愛TVB劇集。
「大灣區最喜愛TVB男主角」由《飛常日誌》馬國明奪得,他得知一刻大感愕然,他亦是首度奪得這個獎項,馬國明領獎時表示:「估唔到《飛常日誌》會攞獎,唔係因為套劇唔得,而係因為套劇喺上年一月播,觀眾未必記得,好多謝大灣區投票嘅觀眾,同埋台前幕後嘅所有演員。」他還搞笑希望多些商業機構跟TVB合作,還可以拍《渡輪日誌》、《港鐵日記》,當然他亦不忘為自己主演的賀歲片《麻雀女王追男仔》賣廣告,着大家多多支持。
馬國明奪「大灣區最喜愛TVB男主角」。
「大灣區最喜愛TVB女主角」則由楊茜堯奪得,她是繼2012年憑劇集《名門望族》奪得視后之後,再度奪得視后獎座,今次則是「大灣區」視后
馬國明於台後受訪,被問到何解奪獎時又「天然呆」,他直言:「我冇想過會攞獎,多謝大灣區投票嘅選民。」馬國明已集齊多個視帝獎,他直言現時最想攞男配角獎:「但今年應該唔夠阿蕭(蕭正楠)爭。(男配角獎咪降呢?)有獎攞已經好好。」楊茜堯則表示改名後能攞獎好開心,說到她在台上哽咽很激動,她謂:「不是激動係緊張,唔知仲有冇機會再上台,所以講長啲。」
至於「大灣區最喜愛TVB綜藝及資訊節目」由《無窮之路IV-一帶一路》奪得。
陳貝兒奪大灣區綜藝及資訊節目獎。



台慶頒獎禮上,藝人湯鎮業、鍾鎮濤一齊頒發大灣區多個大獎,當中「大灣區最喜愛TVB劇集」由《黑色月光》奪得,監製鍾澍佳率領台前幕後工作人員上台領獎,楊茜堯、林夏薇兩位女主角先後講感言,感謝無綫眾高層以及台前幕後外,楊茜堯還表示:「最緊要多謝伯樂監製佳導,我估唔到佢會搵個師奶返嚟做女殺手,好開心接到呢個劇集,同咁多好拍檔」,林夏薇亦好開心可以有一個可突破自己的角色。
《黑色月光》奪大灣區最喜愛TVB劇集。
「大灣區最喜愛TVB男主角」由《飛常日誌》馬國明奪得,他得知一刻大感愕然,他亦是首度奪得這個獎項,馬國明領獎時表示:「估唔到《飛常日誌》會攞獎,唔係因為套劇唔得,而係因為套劇喺上年一月播,觀眾未必記得,好多謝大灣區投票嘅觀眾,同埋台前幕後嘅所有演員。」他還搞笑希望多些商業機構跟TVB合作,還可以拍《渡輪日誌》、《港鐵日記》,當然他亦不忘為自己主演的賀歲片《麻雀女王追男仔》賣廣告,着大家多多支持。
馬國明奪「大灣區最喜愛TVB男主角」。
「大灣區最喜愛TVB女主角」則由楊茜堯奪得,她是繼2012年憑劇集《名門望族》奪得視后之後,再度奪得視后獎座,今次則是「大灣區」視后
馬國明於台後受訪,被問到何解奪獎時又「天然呆」,他直言:「我冇想過會攞獎,多謝大灣區投票嘅選民。」馬國明已集齊多個視帝獎,他直言現時最想攞男配角獎:「但今年應該唔夠阿蕭(蕭正楠)爭。(男配角獎咪降呢?)有獎攞已經好好。」楊茜堯則表示改名後能攞獎好開心,說到她在台上哽咽很激動,她謂:「不是激動係緊張,唔知仲有冇機會再上台,所以講長啲。」
至於「大灣區最喜愛TVB綜藝及資訊節目」由《無窮之路IV-一帶一路》奪得。
陳貝兒奪大灣區綜藝及資訊節目獎。


