饭拍返图1

饭拍返图2

#李佳芯[超话]##李佳芯宝藏花旦#
【新聞：李佳芯外遊散心冇艷遇　自認唔擅長傾約：我好佛系】（東網）
藝人@Ali李佳芯 今晚（30號）出席商場活動為奧運健兒打氣，她笑言早前拍攝《麻雀樂園》有做運動：「因為游亁水嘛。」又表示拍完劇後到英國度假，她說：「充吓電，沉澱吓諗未來發展，不過都好忙，因為去咗學英文，上吓同發展事業有關嘅興趣班咁，（兩個人去？）一個人，我呢啲1人性格，要一個人先可以真正放鬆嘅，雖然冇艷遇，但都識到新朋友，大多數都係女仔，係咪想我同女仔發展先？」問到可有追求者？她又謂可能有人追求，但未有發現追求者，對感情事抱隨緣態度，又指早前陪她到鴨脷洲食飯的男子並非新歡。
至於事業發展上，問她可如勉勵奧運運動員一樣，抱住只要堅持不放棄，終有日得到自己想要的態度？她自問在事業上已很努力，但新工作安排由公司決定，她亦將和公司傾合約事宜，只是她不擅長傾約，她說：「我都唔知點傾，（有咩要求？）點算成日問我有咩要求，而唔係問我公司想點同有咩要求有咩？我冇乜要求，因為唔係自己要求乜，公司就畀乜，呢方面我都幾佛系，（咁有咩角色想演？）好多角色都想試，想挑戰吓自己，如飾演心理學家或癲婆，可以了解吓人性。」問到可曾想過轉公司？她即碌大眼說：「唔好咁講啦，我喺無綫12年都有感情，雖然12年對演員嚟講唔係好長時間，但對女性嚟講就係好長嘅時間。」

#李佳芯[超话]##李佳芯宝藏花旦#
【新聞：李佳芯預告與TVB傾續約望加人工　另揭簽約條件竟然係咁】（香港01）
TVB人氣花旦@Ali李佳芯 昨日（30日）出席奧運打氣活動，並在現場與觀眾大玩遊戲。Ali 《香港01》 表示：「最近有睇張家朗嘅劍擊，同埋有睇游水。」被問到最支持那位運動員，她說：「今屆會特別支持劍擊，見到張家朗唔止係感動又熱血又緊張！睇嗰個仲緊張過打嗰個，運動員心理質素真係太強，好難喺咁逆境嘅情況係發揮得咁好。」她繼續指鍾意打網球，並表示：「由細到大都鍾意睇體操同排球。」
自爆最近去英國旅行上興趣班
講到拍完新劇《麻雀樂團》之後，最近有關的工作，她說：「拍完《麻雀樂團》跟住我放咗一個短假期，我都係最近先返嚟！（去哪個國家旅行？）去咗英國，都係同普通人一樣去學一啲興趣班同上堂，感受吓生活，想一個人寧靜吓，去沉澱下一個角色應該點樣做，又或者下一樣嘢想做啲乜嘢？」
預告與TVB傾續約
至於有網民指《明愛暖萬心》慈善片段見到有李佳芯的出現，感到特別高興，她表示：「多謝網民。（新劇何時會播出？）我都唔知道，劇集幾時出街就要睇公司，《明愛暖萬心》呢啲咁有意義嘅工作我就好想去。」談到現階段是否已經跟TVB續約，她說：「今次返嚟我就會同公司傾，對上一次傾都係開劇之前，返嚟都會再update。」
講到有關工作方面的去向，她說：「我自己都鍾意拍劇，但係對我嚟講如果係主持有適合嘅節目或者類型嘅嘢，我又覺得我願意去做，唔會局限自己應該要去做乜。」提及會否希望向公司反映加人工，她表示：「每一次都會希望有少少加人工，呢個本身都係公司嘅傳統文化，每次都會加少少。當然加人工每一個人都希望嘅，對一個演員或者幕前嚟講有一個機會比起錢更加緊要！。」

#李佳芯[超话]# #李佳芯宝藏花旦#
【新聞：李佳芯獨自到英國放假冇艷遇 自覺佛系唔善於傾合約 與TVB12年感情想延續演員生涯】（星島娛樂）
@Ali李佳芯 昨日（ 30日）到觀塘出席奧運宣傳活動，即場在高麗澤面前與乒乓球運動員林兆恒切磋球技，Ali表示，因為很鍾意運動，所以十分留意奧運賽事，而且她愛看劍擊、游泳、體操及排球等賽事，並指運動員實在太強，值得大家學習，之後仍有賽事只要堅持不放棄最終會有想要的結果，她更即場為晚上作賽的何詩蓓打氣加油。
問她這次巴黎奧運是否每天也在電視前守候看直播賽事？Ali稱，差不多，但因早前完成劇集工作後，飛到英國享受假期，剛剛回港，所以有些賽事及開幕禮也只能看重播。Ali表示，在英國生活了一個多月，除了休息外也為自己下一個大計尋找靈感及上一些課程就如學英文、寫字及插花等，問她是否兩個人一起去度假？她否認，並指，自己是I形人，只能在一個人的情況下才能充電，問她之前不是有一位靚仔陪伴到鴨脷洲吃飯嗎？她指對方不是男友，之後表示，感覺不到有人追求，而且在外國沒有艷遇，她感到拍拖是需要隨緣，雖然在外國認識了不少朋友，但大多是女生，她笑言：「是否想我跟女生發展？」
此外，Ali 表示返港將會約公司洽談合約一事，問她對公司有何要求？她是否會以剛剛運動員堅持不放棄精神，最終獲得想要的好結果來處理合約？她說：「為何經常要問我想怎樣？而不問公司想怎樣及有何要求？（你會要求些什麼？）我沒有什麼要求，只會對自己有要求而對人家不會有要求，就如下一個飾演的角色有突破及給予觀眾新鮮感，我自覺佛系，不善於洽談合約，若然合約條件不適合是否會轉公司？她說：「不要這樣啦！我們有感情，在TVB12年了，對演員來說不算太長，但對女性青春來說不是短時間，我也想延續演員生涯。」至於再想演一些怎樣的角色？Ali表示，心理專家、精神病患者又或癲婆這些角色也很有挑戰，可以了解一下人性。

#李佳芯[超话]# #李佳芯宝藏花旦#
【Stars HK】《apm全日早晚無限撐乒乓奪標派對》高禮澤 林兆恒 李佳芯為港隊打氣
APM 昨晚（7月30日）舉行《apm全日早晚無限撐乒乓奪標派對》，特別邀請雅典奥運男雙銀牌得主及中國香港乒乓球代表隊教練高禮澤 、及中國香港兵乓球代表隊運動員林兆恒到場 ，當然唔少得人靚聲甜的女神@Ali李佳芯 小姐與觀眾互動及為香港運動員擊鼓打氣。
李佳芯於比賽前與觀眾互動，首先Ali試玩街舞體感遊戲，接著Ali親身落力擊打 apm 打氣鼓 ，以澎湃鼓聲及市⺠呐喊聲 ，為中國香港隊黃鎮廷及杜凱琹乒乓球運動員集氣 ，期待他們為港爭光。之後「滴滴仔」初級班程度的李佳芯，就由乒乓教練高禮澤即場教授乒乓球技術 ，並且與香港乒乓球運動員林兆恒對戰 ，Ali的粉絲們在台下為其打氣再加上高禮澤教練高人指點，使初級程度的Ali能從兆恒身上獲得寶貴嘅一分，並將現場氣氛推上高峰 。
切磋完球技後，Ali就同觀眾玩遊戲，第一個遊戲喺《奧運項目大電視》，粉絲逐個做出紙上對應的巴黎項目動作給Ali估，冰雪聰明的Ali當然無難度。而第二個遊戲就係《滴滴仔》，1分鐘內連續滴起乒乓球，其中一位小朋友表現出色，Ali就問小朋友學咗幾耐？小朋友就怕醜回應學咗一年乒乓球了。

#李佳芯[超话]# #李佳芯宝藏花旦#
【新聞：重遇當年偶像高禮澤 李佳芯即場大展球技】（News Insight Hong Kong）
昔日曾經主持過體育節目嘅@Ali李佳芯 ，噚日聯同前香港乒乓運動員，現任香港青年隊男隊教練高禮澤，以及現役香港乒乓運動員林兆恒，去咗觀塘apm，出席奧運打氣活動。佢哋除咗為出戰巴黎奧運嘅兩位香港乒乓代表黃鎮廷、杜凱琹打氣之外，仲即場互相切磋一下乒乓球技。
原來喺高禮澤為香港出戰嘅年代，Ali曾經視對方係偶像。難得今次可以同場相遇，Ali唔單止把握機會向高禮澤請教技巧，仲即場同林兆恒上演咗一場小型表演賽。唔講大家未必估到，原來Ali除咗演技備受外界注目之外，運動細胞同樣不容忽視。喺偶像高禮澤面前，Ali面對林兆恒嘅連番攻勢，表演絕對唔失禮。
可能因為曾經以節目主持嘅身份，接觸過本地體育界嘅關係，Ali對於香港乒乓代表黃鎮廷同埋杜凱琹，喺比賽場上嘅表現，一直表現得相當肉緊。喺佢接受緊娛樂版記者訪問期間，黃鎮廷同杜凱琹喺劣勢之下搶得一分。原本應對緊提問嘅Ali，即場興奮到嗌咗出嚟。佢對香港運動員臨場表現嘅一份支持，由此顯而易見。

#李佳芯[超话]#
李佳芯預告與TVB傾續約望加人工　另揭簽約條件竟然係咁
TVB人氣花旦李佳芯（Ali）今日（30日）出席奧運打氣活動，並在現場與觀眾大玩遊戲。Ali 《香港01》 表示：「最近有睇張家朗嘅劍擊，同埋有睇游水。」被問到最支持那位運動員，她說：「今屆會特別支持劍擊，見到張家朗唔止係感動又熱血又緊張！睇嗰個仲緊張過打嗰個，運動員心理質素真係太強，好難喺咁逆境嘅情況係發揮得咁好。」她繼續指鍾意打網球，並表示：「由細到大都鍾意睇體操同排球。」
自爆最近去英國旅行上興趣班
講到拍完新劇《麻雀樂團》之後，最近有關的工作，她說：「拍完《麻雀樂團》跟住我放咗一個短假期，我都係最近先返嚟！（去哪個國家旅行？）去咗英國，都係同普通人一樣去學一啲興趣班同上堂，感受吓生活，想一個人寧靜吓，去沉澱下一個角色應該點樣做，又或者下一樣嘢想做啲乜嘢？」
預告與TVB傾續約
至於有網民指《明愛暖萬心》慈善片段見到有李佳芯的出現，感到特別高興，她表示：「多謝網民。（新劇何時會播出？）我都唔知道，劇集幾時出街就要睇公司，《明愛暖萬心》呢啲咁有意義嘅工作我就好想去。」談到現階段是否已經跟TVB續約，她說：「今次返嚟我就會同公司傾，對上一次傾都係開劇之前，返嚟都會再update。」
講到有關工作方面的去向，她說：「我自己都鍾意拍劇，但係對我嚟講如果係主持有適合嘅節目或者類型嘅嘢，我又覺得我願意去做，唔會局限自己應該要去做乜。」提及會否希望向公司反映加人工，她表示：「每一次都會希望有少少加人工，呢個本身都係公司嘅傳統文化，每次都會加少少。當然加人工每一個人都希望嘅，對一個演員或者幕前嚟講有一個機會比起錢更加緊要！。」