台慶頒獎禮最佳男配角揭盅，向來演活小角色的林子善憑《隱形戰隊》，爆冷奪獎，他在台上更一度跪地，他說：「呢個獎，一世人攞一次！」他更在台上多謝周星馳，又大賣口乖擦TVB鞋，非常識做！
已變「喊包」的他突然在台上下跪，他喊住表示：「好多網民唔鍾意我喊，其實我真係唔鍾意喊，頭先嗰一跪係跪我父母嘅，因為冇我父母，呢個世界就唔會有林子善。」期間有工作人員催他長話短說，他搞笑謂：「唔好撩我，一生人得一次，其實我想攞《飛躍》，因為仲可以攞多次男配角。我唔係TVB親生仔，但我當TVB係屋企，流住TVB嘅血，多謝帶我入行嘅周星馳，當時我最冇嘢做，係曾志偉帶番我入電影圈。」
林子善在台上自爆不是無綫「親生仔」，但受訪時補充和無綫有藝員合約，多年來高層樂易玲早已視他為家人：「平時傾閒偈都當我係仔咁，嚟梗仲有兩年就約滿，如果有機會會繼續留低拍劇，不過大家都知個bonus好緊，希望多年廣告商落廣告，畀公司製作多啲好劇集。」
提及他突然跪低似嚇親頒獎嘉賓朱咪咪？他不相信會嚇到對方，因大家是相熟朋友：「佢見到我攞獎老懷安慰呀。」又指會通知難聯絡的周星馳他攞獎，但未提及請星爺食飯，而原因是：「以我了解，佢唔食飯，因為佢唔鍾意出街，我哋在心中，亦會搵許紹雄、鐵馬家族，劇集《隱形戰隊》演員及台前幕後食飯慶祝，（要食足1年喎？）都唔知擺幾多圍，亦都唔知邊個有時間嚟。」收起

【萬千星輝頒獎典禮2023／無綫電視TVB／獎座】無綫電視（TVB）一年一度重頭節目《萬千星輝頒獎典禮2023》於周日（1月14日）晚上舉行，視帝（最佳男主角）由陳豪奪得、視后（最佳女主角）則由佘詩曼奪得。而贏家除了得到名聲，隨時「賺到笑」！事關視帝、視后等獎座價值連城，是一般港人月薪42倍，隨時足以繳付買樓首期。
無綫電視（TVB）年度壓軸盛事《萬千星輝頒獎典禮2023》於周日（1月14日）晚上8時上演，視帝、視后分別由陳豪和佘詩曼奪得。
翻查資料，TVB上屆公布得獎者獎座由「福滿臨珠寶」贊助，是「999.9千足純金獎座」，總值港幣83萬元。收起

TVB年度盛事《萬千星輝頒獎典禮2023》，於今晚（1月14日）在澳門上葡京綜合度假村隆重舉行，有別於過往頒獎典禮的節奏，今年第一個頒發的獎項，就是被稱爲競爭最激烈的「最佳女配角」獎項！
現年37歲的高海寧，憑《新聞女王》力壓同劇的何依婷、王敏奕，以及《隱形戰隊》劉穎鏇和《香港人在北京》傅嘉莉奪「最佳女配角」。她得獎時心情非常激動，更講到眼濕濕，更非常感激《新聞女王》團隊，以及拍檔佘詩曼：「我要多謝整個團隊，多謝佳導（鍾澍佳）搵我做呢個角色，我問佢我做唔做架，佢同我講，你傾喺度已經係Cathy（許詩晴），你畀啲信心自己啦！拍攝時開心可以同阿佘再合作，佢係好好嘅前輩係一個好好嘅榜樣，好專業嘅演員，分享咗好多俾我哋，我有好多好多得着。」她又多謝各位觀眾投票及喜愛，又感謝自己的婆婆，終於可吐氣揚眉，入行15年終於可以獲獎，她又說：「多謝天上公公爺爺，亦要多謝公司給予很多角色，終於有一個代表自己角色，我希望在座咁多位都有機會，搵到一個屬於自己嘅代表作。
高Ling講起屋企人，更一度哽咽：「我好想送呢個獎畀我婆婆，我入行15年，終於攞到獎，我都想送畀天上面嘅公公同爺爺，同我嘅屋企人！」
高海寧已經是第6次被提名「最佳女配角」，同時也有5次被提名爲「最佳女主角」，過去大家關注她主要是身材惹人注目，在許多電影中展現出性感的演出，給人留下性感女星的形象。然而，隨着努力演技愈來愈出色，大家也不再只關注她的身材，而是將焦點放在她的表演上。在《金宵大廈》中，她扮演了周小惠一角，表現出色，成功演繹了一個香港虎媽的形象，引起了共鳴。而在《新聞女王》中，她也成功詮釋了劇中的角色，因此獲獎實至名歸。高海寧在2008年參選香港小姐競選後進入演藝圈，近年來備受TVB力捧，接拍了一部又一部的劇集，創下了一年內拍攝並播出6部劇集的最高紀錄。高Ling勇於接拍，敢於冒險，一直以認真對待演戲，儘管她有出衆的身材，但她努力擺脫花瓶形象，演技也不斷進步，最終取得了一番成績。
高海寧在18歲之前使用她婆婆的姓氏，原名「沈江莉」。她出生於江蘇南京，在13歲時搬到香港居住，與父母和兩個弟弟一起住在旺角。她在南京上小學，後來在香港聖公會聖瑪利亞堂莫慶堯中學讀中學，並在會考中取得了22分，之後進入新法書院讀中七，中七畢業後修讀了香港專上學院商業管理系副學士。高海寧曾經是一名模特兒，在父母的鼓勵下，報名參加了2008年的《香港小姐競選》進入演藝圈。當時高Ling進入了最後的五強，儘管最終只獲得了「旅遊大使獎」，但憑藉出衆的外貌和身材，隨即簽約成爲TVB旗下藝人。高海寧初入TVB時主要出演一些配角，她的首部參演劇集是由李司棋、黎耀祥等人主演的情景喜劇《天天天晴》。直到2012年，她在《法網狙擊》中飾演劇中的紀慕芝（KiKi）一角，其中一場白健恩對她的性侵戲份在網絡上引起了熱議。之後，高Ling又在2013年的劇集《使徒行者》中飾演林希微（Amy）一角，並憑藉該角色在《TVB馬來西亞星光薈萃頒獎典禮2014》中獲得了「最喜愛TVB飛躍進步女藝人」獎。
文

無綫（TVB）年度壓軸盛事《萬千星輝頒獎典禮2023》於昨日（14日）在澳門上葡京綜合度假村隆重舉行。高海寧憑劇集《新聞女王》角色「詩晴Cathy」在頒獎典禮勇奪「最佳女配角」，她接受訪問表示：「好感觸，我現在個腦都係一片空白，頭先我上台之前係好緊張嘅，佘詩曼（阿佘）望住我嗰陣係好緊張，我心諗我都有少少緊張，跟住就公布咗我個名，嗰下突然之間係好開心，好多畫面湧上個腦入邊，我就喺度諗要講咩呢上台。」她指自己的得獎感言是臨場發揮，表達最真實的感受。
被問到婆婆有沒有在家中收看，她說：「佢睇唔到呀！現在呢個時間應該瞓咗覺，佢應該七八點就瞓着咗覺。」她坦言15年才獲得殊榮，婆婆應該會為她感到高興。講到是否憑着角色洗脫性感形象，或者是觀眾既定花瓶的形象，她表示：「我自己又唔係咁睇，其實公司都俾咗好多唔同嘅角色比我去試，所以我一直都唔覺得自己係一個花瓶，自己剩係得性感呢一個標籤，但我覺得今次最開心嘅係連大眾都同我一齊去搣甩咗呢個標籤，同埋認可我嘅演技，咁所以我覺得努力係值得，好感謝我過往演過每一個嘅角色，因為其實係經歷咗咁嘢，變成今時今日嘅高海寧。」她透露已經跟監製報名拍《新聞女王》續集。收起

無綫（TVB）的年度盛事《萬千星輝頒獎典禮2023》昨日（14日）於澳門上葡京綜合度假村隆重舉行，陳豪憑電視劇《破毒強人》奪得「最佳男主角」一獎，相隔16年再次奪得視帝寶座，在此之前，他一共獲提名28次視帝。
陳豪接受傳媒訪問時被問到在老婆手上奪得視帝獎項時有什麼感覺：「我諗冇咩人試過係自己太太手上面頒個獎項畀自己，太太頒畀我嘅可以話係最佳老公嗰啲。」而被問到對獎項有沒有信心時，他則說：「坦白講其實我係有信心嘅，對自己有信心，但係就我唔知上天會唔會頒呢個獎，咁今日印證咗上天都畀埋呢個獎我，咁成件事好似好完美。」陳豪更戲言自己的記錄沒有人能夠撃破，因為已經提名28次視帝。
陳豪對於被多次提名，他覺得：「依家證明咗我對做戲嘅熱愛同追求係正確嘅，我覺得呢個係一個獎勵。」而被問到太太失落獎項，他則說：「佢唔同，佢始終都係啱啱先返出嚟，我覺得任何演員都係只要再繼續不斷追求，就大家都會成功。」
至於他被問到會否支持太太重新出來拍戲，他表示極支持：「 我係支持Amiee繼續去追求自己做演員嗰個心，我覺得最緊要係唔係下下都係同我一齊，同多啲唔同嘅演員同監製，咁先可以打開佢演員之路。」陳豪說到還未與三位小朋友分享消息，因為出門口時還是中午，之後回香港還是要等大仔考完試才想去哪慶祝。收起

無綫（TVB）的年度盛事《萬千星輝頒獎典禮2023》昨日（14日）於澳門上葡京綜合度假村隆重舉行，黃宗澤（Bosco）憑《疊影狙擊》奪得「大灣區最喜愛TVB男主角」，榮登大灣區視帝寶座。他在台上多謝TVB、珍姐及曾志偉，亦表示：「唔係因為你哋大灣區冇人識我。」
黃宗澤接受傳媒訪問時表示很開心：「攞獎嗰吓好開心嘅，但係落台之後就背後一涼啦，因為頭先佢哋話好over嘛，台下面啲工作人員係咁了我啊，叫我再快啲，我竟然漏咗多謝我自己。所以攞完獎一坐低就背後一涼，其實我心知嗰下，係喎，我講漏咗個人喎！我即刻擰轉面同樂小姐講：『對唔住啊，我講漏咗你。』」在做訪問時，黃宗澤立即補回多謝樂小姐：「多謝樂小姐嘅栽培同提攜。」
黃宗澤被問到這個獎項來得太遲，他就說：「我攞完飛躍之後就冇攞過獎啦，到依家咁多年啦之後先攞返，我嬲啦！」黃宗澤亦提到其實拿不拿獎其不重要：「觀眾鍾意睇我做戲，睇我嘅劇比較重要，我就最安慰同最開心，獎就可以話係錦上添花啦。」
之後黃宗澤亦再次提到如果沒有TVB就沒有港劇，大灣區就不會有人認識他。而他被問到之後會否多點回來TVB拍劇時，他則回應：「可以㗎，我依家都拍緊《法證先鋒6》，過2 日就要去日本外景添。好開心地，依家返TVB拍劇呢，睇得到佢嘅進步，即係比起以前拍劇呢，成個System同製作都有進步。」他更形容TVB是母校，看到有進步他也很開心。收起

+9

《萬千星輝頒獎典禮2023》於今晚（1月14日）假澳門上葡京綜合度假村隆重舉行，「東張女神」何沛珈（Roxanne）屬「飛躍進步女藝員」大熱，Roxanne「中門大開」戰鬥格上陣，並接受TOPick訪問分享感受！
何沛珈指自己想選擇一條比較特別的裙，並指本來想選白色裙，最後在本星期決定選黑色裙現身。她指這條裙是相當貼身的，並形容是「型得嚟性感」！
問到會否如在頒獎禮中奪獎，會否公開與阮浩棕的戀情？她稱：「攞到獎再答你啦」。她又指自己選擇今晚的造型時未有問對方的意見，是自己與造型師作溝通！收起

见证你的荣耀 为你开心🥹