【最爱米雪·新闻】新剧担正米雪焗住「失身」

一楼百度

女角爭位今年2月初，劇集《女人最痛》開鏡拜神時，張可頤都係企頭位，反而米雪就要靠邊站。
據知無綫咁做，係因為米雪08年憑《溏心風暴之家好月圓》「紅姨」一角，人氣急升，當時《萬千星輝頒獎禮》「最佳女主角」更非她莫屬，為了「肥水不流別人田」，無綫當然想將她收歸旗下，所以即使她不是合約藝員，還陸續開劇給她拍如《宮心計》。

高層祝賀米雪憑《家好月圓》「紅姨」（圓圖）一角奪得08年度「視后」，當時無綫兩大高層樂易玲和曾勵珍更親自祝賀她。

簽約拉鋸
可惜當時米雪忙於照顧患癌症的男友尹志強，加上要搵錢醫尹佬和照顧兩個妹妹雪梨和蘋果，覺得自由身接Job較方便，而且無綫抽佣都幾「金」，唔係普通人頂得住，據知情人士透露：「其實TVB已經任由米雪姐開條件，仲話抽少啲佣都冇問題。
簽約拉鋸戰拖咗一年半載，適逢今年年初尹佬突然病發，更在農歷新年期間與世長辭，當時米雪仲拍緊《女人最痛》，趕住埋尾，不過TVB仍准許她放假辦理尹佬身後事，更坦言可助她一臂之力，但堅強的米雪卻不想受人恩惠。

交代事件今年2月中，尹志強因病離世，米雪與梁漢文等親友招開記者會交代事件，之後她以「未亡人」身份送別他。

拍拖廿載「亞洲第一中鋒」尹志強與米雪82年邂逅，8年後正式拍拖，92年尹佬被證實患上鼻咽癌，米雪一直不離不棄陪男友抗癌。

指日可待
但之後TVB繼續準備咗兩個節目俾米雪主持，去完上海又去台灣，認真皇恩浩蕩，而且《女人最痛》5月才拍畢，咁快又出街，擺明係幫米雪Keep住人氣，因為其去年拍的大陸劇集《大丫鬟》，咁啱又喺週一（26日）於有線播出。
「如果套劇出街後收得，TVB會再開口搵米雪姐簽約，睇怕佢今次都好難再推喇。」知情者續稱。TVB對米雪真係愛錫有加，比起關菊英和李司棋仲要好，所以在情在理，米雪簽約無綫都係指日可待。