回复：【苗·原创】《天使之行》第二部（粤语版）

医生刚出了急诊区，一个熟悉的声音问道，“医生，医生，我太太点吗？”
Fiona暗叫不好，连忙下床拉开布帘。
“柏翘！”
“Fiona！你而家点吗？仲有冇唔舒服啊？”
“冇呀，我冇嘢架了……”
一旁骑警不好意思地笑道，“sorry喎madam，我惊你有事，所以就私自抄咗你手袋，见到你张Warrant Card 同李sir张相，先知道原来你系李太。”
医生道，“太太，既然而家你先生都嚟咗，咁你仲使唔使出院呢？”
柏翘忙道，“唔使了医生！系了，我太太究竟咩事啊？”
“初步怀疑系佢之前腹部中枪留低嘅后遗症，具体结论仲需要留院做一个详细d嘅检查。”
“噢，咁……我帮佢办手续呀！”
护士道，“先生，请呢边。”


Fiona垂头丧气欲哭无泪。骑警上前道，“madam，你系咪嬲咗我动你私人物品呀？实在系对唔住……”
Fiona轻轻摇头，“唔关你事……系了，多谢你头先救咗我。”
“唔好咁讲了madam，”骑警友好地伸出手，“我同李sir都识架，我叫王靖，大侠郭靖嗰个靖，d夥计都叫我做王大侠。”
Fiona终於笑了，“咁你今日仗义相救，都几似大侠架啵！”
王靖憨厚道，“唔好讲笑啦madam……”


暂时就这些了，看下次小妹几时更我几时更

PTS众人下班后得知消息都来探望，病房内俨然一场**大会。
扫黄组TEAM A由昌哥和easy做代表，O记则多了静雯和peg。
在得知Fiona并无大碍后，气氛顿时活跃热闹起来。众人难得一聚，讨论的话题由枪伤到生bb，再到无聊视频和差馆八卦，最后变成了一会该到哪儿去大吃一顿。
就在立文抓起电话准备打去酒楼订位时，laughing匆匆赶来了。
“laughing sir！”大家都有点意外，Fiona问道，“你都嚟咗嘅？”
“Fiona你都唔啱了，入医院咁大件事都唔讲声，仲当唔当我系你阿头架？”
柏翘笑道，“唔想麻烦laughing哥你啫……”
“咦？好多新面孔啵！”laughing笑著环视四周，看到easy的那一刻，他愣住了。
“laughing sir，”昌哥钦佩地上前招呼，“我叫李成昌啊，关於你嘅神勇事迹……”
Laughing恍若未闻，径直呆呆走向easy，拉住她的手。
“Wendy……”他轻声叫道。
众人面面相觑。Easy不知所措，但是对於这位传奇人物的崇拜又让她不敢轻易甩开，只得惶惑四顾。
立文见势不好，忙冲上去分开两人，在laughing耳边小声道，“认错人啦！嗰个系Fiona手下夥计，easy呀！”
Laughing一个激灵，仿佛被冷水泼醒，目光却仍挂在easy身上。他惭愧道，“对唔住，我……认错咗人……”
Easy八卦地问，“你……头先叫我做‘wendy’，边个嚟架？”
Laughing喃喃道，“一个……旧朋友。”
“咁……我同佢好似架？”
Fiona捅捅柏翘，柏翘会意，“哎……好肚饿！阿文，咪话book枱食饭嘅？”
“啊，系呀系呀，不如我d而家去医肚，俾Fiona休息多阵了。”
众人纷纷响应，easy就这样带著满腹疑团离开了。


聚餐过后，立文自告奋勇送阿花回家。
又一次单独相处，等待两人的竟是沉默。
立文扭开收音机，放出一首rap，他烦躁地关上了。
“啊，阿花啊？”
“嗯？”阿花扭过头，带著几许兴奋和期盼。
“其实……我想问呢……伯父伯母喺广州间食肆，搞成点吗？”
几许失落，“几好啊，生意唔错。”
“噢。”继续沉默。
良久，“啊……阿花啊？”
“嗯？”
“阿明呢……佢有冇谂过返嚟啊？”
“冇啵，阿哥喺上面搵咗女朋友。”
“噢。”
“阿花啊？”
“嗯？”
“我想讲你一个人住呢……有d咩换灯胆、整水喉呢d嘢，记得搵我。”
阿花奇怪，“我冇搵过其他人呀！”
立文幽怨道，“近排你都冇搵过我……”
阿花失笑，“咁近排我都冇灯胆要换……”
“噢，阿花啊？”
“阿文啊，不如换我问你了。”
“好呀，问乜嘢？”
阿花的心怦怦乱跳，“你……谂住同yoyo几时结婚啊？”
“啊？！”一个急刹车，差点跟前面的车追尾。
“小心d呀你！”
“噢，”立文擦著汗，“冇嘢，冇嘢……”
“其实呢……你都就嚟三十岁了，好应该搵番个人过d正经日子架！”
“其实，我d仲未谂过……”
“哎……女仔人家边个唔恨嫁架？你唔好辜负咗yoyo喎……”
“迟d呀，迟d先算……”
“喂！停车呀！”
“啊？！”立文猛地刹住。
“到咗架啦！阿文，点解你好似发紧梦嘅？”
“噢……”阿文如梦初醒，“对唔住。”
阿花开门下车，“唉，咁你早d返去训了，小心揸车呀！”
“啊，阿花啊……”
“嗯？”阿花回过头。
“你……你都小心d……”立文忽然没了勇气，“呢区近排唔系好太平。”
阿花默默点头，转身离去，一个声音在心中回荡。
“阿文，你究竟想同我讲乜嘢？点解又唔讲呢？”
大门外，车上，也有一个人在望著早已消失的背影。
“阿花，对唔住……我想讲……但系我已经冇资格……”


回复：449楼
想写呀，不过还没什么具体思路lor^

回复：452楼
好衰格架你，爆我大镬

O记。
“哎——冇惊冇险又到五点！”泉叔把一份文件甩在桌上，伸著懒腰，“收工——”
佩琪从外面进来，“喂，你d阵间有咩节目呀？不如去唱K啊？”
“咪搞，”立文摆摆手，“五音不全，呢d嘢唔啱我。”他摇摇摆摆进了柏翘办公室，“阵间去边？”
“搵陈强呀！你唔记得咗啦？”
“你去医院陪住Fiona，”立文拍拍胸脯，“呢d嘢兄弟同你搞掂！”
柏翘抬起头露出笑容，“唔该嗮了啵，兄弟！”
“请我食龙虾呀——”
“切——”


西贡屋村。
“请问呢度系咪陈强先生屋企？”
“我系陈强，你系？”
“钟立文。”
“哦……头先打电话嗰个阿sir……入嚟坐呀！”
“唔该。”

陈强端上一杯水，“钟sir，请问有咩可以帮到你呢？”
“我想问喺本月26号，即系上个星期四，你系咪喺旺角西洋菜街附近违例泊车？”
陈强脸色骤变，“阿sir，我唔系有心架……我嗰日冇收到告票，仲以为……”
“放心，我唔系***，嚟呢度都唔系要追究违例泊车……”
“噢……咁……咩事啊？”
“嗰日你架车前面停住架银灰色跑车，你有冇印象？”
“化成灰我都记得呀！嗰司机变态架！”
“系？点解？”
“嗰日我送完货之后觉得好肚饿，就谂住去麦记食汉堡包，我记得到麦记门口系八点三（8点15），正好前面有一个中间位可以停车。但系前面嗰架跑车停得好靠后，我架车点都入唔到。咁我见到架车入面好似有人了，於是就按喇叭想佢行前d，但系冇反应喎，我就走去敲前面嗰窗。”
“你见到嗰司机？”
“系……不过佢好似喺度插住耳机听mp3，嗰头fing下fing下，仲好入神添！无论我点敲都好似睇唔到又听唔到，咁我见架车咁贵，惊整烂块玻璃赔唔起，就谂住搵过第二度停了。好彩咁啱后面嗰司机返咗嚟揸走架车，我先可以停到啫。”
“咁你敲玻璃嗰阵，有冇见到嗰司机揸住好似DV呀，或者数码相机呢d嘢？”
“冇啵……d玻璃反嗮光，我连佢咩样都睇得唔系好清楚。”
“咁你仲记唔记得嗰车牌？”
“记得喎……系XY3286，我仲谂住投诉佢违例泊车添！”
“好，唔该你，有咩事我会再搵你架了。”


回复：461楼
司机系，不过车主唔系

回复：464楼
不关我事，因为小妹很忙

大家盯住小妹就对了，小妹更我就更

回复：471楼
因为我d约好咗

医院。正在陪Fiona追电视剧的柏翘接到立文电话。
“喂，阿文？”
“系呀，我知道你唔想打搅Fiona，咁你净系听我讲得架了。我啱啱同陈强倾完，攞到架跑车嘅车牌，听日我会去运输署嗰度帮你check下，陈强度有用消息得咁多，汇报完毕。”
柏翘笑了，“衰仔呀——多谢嗮啵！”
“咁你记得请我食——”
“知了龙虾！”
“好了，bye-bye！”