例句之一：听到耳仔起枕(广州话“起枕”=磨出老茧）。

[老茧(dzin2展)，粤语-广州话口语叫做“起枕(dam2)”。我以前日日破柴、个个星期揸锄头劳动[尴尬]，成日踩单车揸“羊头”，磨出“手枕”[拳头]，都系好少，冇办法同苦练单双杠（gong3降）、吊环嘅体操运动员比，但佢哋嘅“老茧”，冇办法同农民比。我读初中嗰年，跟全县“四级干部会议(开到生产队长一级)”送公社、大队、生产队干部返屋企嘅大货车返乡下，在我老家生产队长开会期间所住嘅县城梅菉小学黐一大餐再跟车，见到一双双大手，都系厚厚、满满嘅“老茧”，好似“铁砂掌”，都是为生产队拼搏嘅实干实奖。

讲到单双杠，又谂（nam2）起竹杠（gong3降），因为粤语传统棹（dzaau6）忌（忌讳）“降”，所以讲竹升。竹竿（gon1干），因为传统棹忌“干”，所以讲“竹篙”，“担（daam3）竿”（扁担）亦改叫担挑[粤西叫担（daang3，粤西音）湿（saK7，粤西音）]。

查字典，茧字读gaan2(简)。待考证。