ꌋꐓꆧꁨꁠꀕꉘꇉꂾꄸꄉꃅꄜꈜꈾꄮꎍꃲ，ꎸꄓꈨꌺꉘꇉꂾꄸꄉꃅꃤꈜꆈꄮꎍꃲ。ꀉꂿꆏꌺꑟꂷꑌ，ꐥꀕꊿꐛꊿꂓꊿꌗꀉꄂꇔꑌꀋꉆꈬ。ꋂꄃꋐꄃꆂꒉꈬꊂꇱꑌꁒꇁꈌꇁꇐꀋꐥ。ꇓꆈꋌꂷꑕꅨꁧꏢꐛꑌꀋꇁꈬ，ꂸꑗꋌꅀꂷꄿꂷꏂꈬꁍꉧꑌꀋꇁꈬ。
ꀿꆹꌺꇭꉂ，ꃀꆹꅪꎔꉂ。ꌺꇭꅪꎔꀋꒆꌠꉬꅀ，ꌺꒆꅪꒆꀋꇭꀋꎔꌠꉬꀋꐚ，ꀿꃀꐥꅉꎭꅉꑟ。ꀿꇁꃀꑌꐥꍂꈎꄜꋍꈎꋌꉖꄟ，ꈎꆪꈤꅉꇁꅉꑟ。ꀋꇴ，ꈍꃅꂮꀋ！
ꋧꃅꇤꄧꅐꋦꌺꇖꇬꋦꌠ，ꀿꐥꌺꀋꉂꂷꀋꐥ，ꃀꐥꅪꀋꉂꂷꀋꐥ。ꀿꐰꌺꈩꌒ，ꃀꐰꅪꈩꌒ。ꀿꐥꆹꃴꌺꒆꈍꄮꑟꑌꀊꉘꐛꌠꉬ，ꃀꐥꆹꃴꅪꒆꈍꄮꑟꑌꀊꉘꉬ。‘’ꌺꇭꀿꉌꀋꈴ，ꀿꇭꌺꑓꍑ”ꃅꇬ，ꀉꄉꈈꅉꆗꌺꋌꀋꐚ，ꀉꂿꎔꅉꆗꃀꋌꀋꂾ，ꀿꃀꀕꌠꆏꋌꂿꀋꋻ，ꆏꋌꅉꀋꐚ。ꀿꃀꈴꅉꄇꋒꏓꇰꇁꆎꅽꒆꍂꈜꃀꑌꋌꀋꎴ。ꑟꅺ，ꀿꃀꐥꅉꇂꃴꀊꉘꇬꐥꌠꐭꉙꂄ，ꋧꃅꌺꈄꆗꌺꇬꐥꌠꀿꂾꑘꈉꀕ，ꃀꂾꃨꈍꀕ，ꀿꃀꈌꄤꀱꃅꐥ，ꋦꀺꎴꑳꀕ，ꊿꇬꋬꂻꇁ。
ꃰꊿꇐꀳꇬ“ꑌꁨꑿꁨꂷꆿꁨꍯꁨꂷꀋꐰ，ꆿꁨꍯꁨꂷꐎꁨꊰꁨꂷꀋꐰ，ꆿꁨꍯꁨꂷꌺꁨꇖꁨꂷꀋꐰ”ꃅꇬ。ꐧꇁꃰꊿꑟꈨꑌ，ꊿꐥꐯꌡꐰꇑꐯꀋꒉ…………………………………
学生党
凉山•普格
木古仕补•拉曲
18090685824（微同）
想认识更多的家门儿！！