Galhu'aqbei Hunilhunav Holgoq
(一)
Halbaq ssiilpoq:Sal-yil--Sal!
Huqmoq colyul dama yeilgaq bei,
Qiqma bo laq meilnol！
Huqmoq colyul halnavq qiq huvq maq hev,
Yeilhha zoqnia Hunilhunav hhaqgoq,
Hunil bei loq oqnil nadul,
Hunav mol yol haqnav doqtoq,
Humoqhu tol hu bal,
Hugoq oqtav myuq lal sol.
Daqtav oq sol milliq maq bo,
Oq loq mol yol geelsiq maq bei,
Caqniuq' aqma seivq sol oq liq zol,
Caqniuq saqyyuq milma holteil gee.
Yeilhha zoqnia Hunilhunav hhaqgoq,
Hu,qeiqei yol keeqseqtevq;
2.
Hugoqgoq e oq yol myuq,
Hugoq doqtoq miltav navq al sal.
Hunilhunav kalseqnei,
Joqtoq milnil hhaqdoa qiaheig ceq;
Halgoqe holteil yeilsal naq caq maqsig,
Yeilhha zoqnia sulmil sulma hhaghoq.
Hu leil mol yol niq baq aqssil,
Eeltoq toqe lolzeil ya,
Milma holgoq hhaqbeiv meivbil duv laqmeil,
Eelma niq baq neeldav qiq jol yil wul.
Niayei eelmeil Eqdiqxilyeiv,
Niuqmoq cole lavq yol maq lol,
Joqtoq eellol meil yeivapuv qiq heiq caq,
Eelma aqhei leiq navq toqpuv syuvq talhho;
Dolyei haqlaq gyuqba soq seil yeivqe,
Eelma leiqna gyuq e holmolssiq.
Geeqyei eepul Aqdiqgolyeiv,
Toma bavqciivq coq lei mil pav elaqmeil;
Eelpul coqceiv hhaqtav,
Qiqcoq coqe qiq hol puv;
Qiqbyul byul ehhaqdoq yiuq,
Byullei pavqmuq oqtav xeiv jol hho.
Luma hhaqtav xaqssag coq lei guv lal mul,
Hunilhunav hhaqgoq,
Galhug dama doqmeeq xilmeil tole,
Alzolzoldei lei,
Ceivmoqaqma xeiv byulbyul,
Haqlaq meiqcaq ngaceiv eil hu,
Wuqjil goq dei qilssaq yiuvq.
Almal'aldei huqpul jol,
Alzol holtav leiqboq yiuvq,
Haqlu hhaqzeil almiyuvq hha.
Gozeil soqdei quqsil deil,
Siqbil goq deilei,
Hoqbumeivlavq gyuq teil sal,
Baqpuvlaqsil caq navq havq.
Sale milmecq Hunilhunav,
Soqdei zil tol jole tuy moq mag caq.
Nildeivq ssiiq loq jol xa bi'ol,
Baqma celpul sal ngaq loq del,
Milma culmil byulssaq ciiq,
Haqniq aqpiq qullu cuv hhal.
Sale yo'qoq: Sa!--yil--saly