激吻戲｜張振朗自爆拍得好嘔心 獲蔡思貝信任封暖男 (17:43)

【今日直擊】張振朗和蔡思貝今日為《踩過界II》宣傳，對於二人的激吻戲刻意塑造甜蜜氣氛，但他們相信觀眾看後會覺嘔心，張振朗笑說：「我相信我女友睇到都嘔心，其實我和蔡思貝拍攝時都好嘔心，但為了角色，做到想要的效果，我們豁出去。」
蔡思貝表示這場戲可能令人憤怒，但往後劇情有解藥和安慰，原因二人的關係發展會出現決裂，亦難忘拍攝前激動到喊，張振朗說：「但我覺得拍激吻難過拍鬧交決裂，拍親熱戲好尷尬，事前我會先溝通怎樣去做，不會摸過界。」蔡思貝笑指角色要戴假哨牙，十足設了一道防線，「這排哨牙好似我的安全膜，所以拍接吻戲沒什麼感覺，不過我明白男藝人有憂慮，怕被誤會抽水，我對他好信任，是最有風度男藝人，是暖男」。

【等解藥】蔡思貝戴「安全膜」同張振朗咀：好嘔心

藝人張振朗與蔡思貝在將軍澳電視城出席無綫劇集《踩過界II》宣傳，講到兩人劇中咀戲，張振朗笑說：「嗰場戲好激，相信觀眾睇到我哋兩個角色咀會好嘔心，但係幾好笑。（女友楊偲泳睇到嘔心？）我估佢都會嘔，我哋自己都嘔啦！」
蔡思貝則說：「應該係每個識呼吸嘅人睇到都會嘔，呢個就係想要嘅效果，拍嗰陣要豁出去。不過，大家睇多幾集就會有『解藥』，會有啲安慰。」
張振朗視蔡思貝是相當好的朋友，但拍攝咀戲反而愈熟悉愈尷尬，指拍攝咀戲比決裂戲困難。蔡思貝笑說：「我就有假牙做防線，棚牙冇感覺好似有個安全膜咁。男仔係會尷尬少少，都會驚畀人話抽水，但係張振朗絕對冇，佢係我認識中最Gentlemen嘅暖男。」張振朗亦指拍片攝前也有溝通好，避免墮入抽水疑雲。