Vunz cix guhmaz mingh,
Gonh dingh cix ndaej bya;
Gou cix mingh guhmaz,
Gaemh bya dawz rin geh.
Mingh mbouj daeng ndaem va,
Ndaem cazcaz cix naeuh;
Mingh mbouj daeng gyau youx,
Gyau bouxboux cungj ndwi.
Mingh mbouj daeng ciengx gaeq,
Faeg gyaeq gyaeq cix gaemz;
Mingh mbouj daeng guhcaemz,
Caengz daengz vunz cix sanq.
Gvaqfwj mbouj doek fwn,
Vih raq rumz lawz haih;
Fwn doek raemx mbouj byaij,
Dwg diuz raiq lawz laengz.
Sam nyied daengz cin seiz,
Valeiz mbouj giet duj;
Miz gaiqmaz de nguh,
Cibngux ndwen mbouj luenz.
----- Daegdenz Ranzcung / soucomz cingjleix