早前本刊撞破克勤与老婆卢淑仪及姨仔到中环太子大厦晚膳，发现记者，克勤即高度戒备护住老婆！
虽然月底会推出新碟，不过近月李克勤曝光率少之又少，原来，他九月知道太太卢淑仪再度有喜后，即十分紧张，为争取时间照顾老婆，即使身为 TVB契仔，仍即时推掉《翡翠歌星贺台庆》、《超级巨声》主持等工作；此外，克勤更决定退出稍后四个乐坛颁奖礼，宁愿攞少个奖，留家陪卢淑仪安胎。
狂推 TVB
同无线关系密切，攞过无线长期服务金牌的李克勤，今年鲜有地缺席无线《翡翠歌星贺台庆》节目，连无线中人亦深觉奇怪。
「克勤系《翡翠歌星贺台庆》铁胆，但今年歌星贺台庆喺澳门搞，克勤怕太太唔舒服，所以无做，其实无线一路都好想搵佢主持《超级巨声》，但系九月佢知道太太有咗，加上囝囝 Ryan又细个，为咗争取时间陪太太同睇住个仔，佢推咗无线几个 job，嗰阵又未够三个月，所以克勤唔敢同人讲，只系话度唔到期，无线啲人都觉得奇怪！」克勤身边人说。
家庭为重的克勤，自从儿子 Ryan出世后更黐家，坚持分担，不想将凑仔工作全由太太独自孭起的他，平日做完大小活动，都火速回家交人。
限时离家
连月来，克勤因为接了十多场《左麟右李》巡回骚，不时要与阿伦飞往外地工作，上月二人三藩市做巡回，克勤一完骚就去机场，搭凌晨机返港，绝无多留一刻。
「阿伦都有问佢做乜咁赶，但系克勤坚持即晚坐机走，阿伦就留多晚，佢宁愿自己辛苦啲，都要尽早返香港！为咗唔想离开屋企多过三日，克勤更将推出国语碟计划押后，佢话要等 BB出咗世先！」一位唱片工作人员说。
当大班歌手仍为乐坛颁奖礼争崩头，克勤却为 BB退下火线，决定退出稍后举行的四大乐坛颁奖礼。
「虽然预产期系出年六月，但克勤觉得，太太有咗，过程好重要，如果出席颁奖礼，十二月同一月份都会好忙，佢宁愿搵少啲唔攞奖，都要陪住老婆安胎，所以先有咁嘅决定！」
克勤推掉《超级巨声》主持工作，只客串做了一集嘉宾评判。
李家出年再添新成员，长子 Ryan转眼亦两岁大
九月知道再做老豆，克勤即刻通知屋企人，还包括哎吔老豆阿伦！「佢真系好口密，完全无漏风声！」克勤说。
老婆有咗，连日来克勤出动多架车避开传媒，周二（ 8/12）又施调虎离山计，外出拍唱片 cover，再做老豆的他，见到记者即笑住挥手，心情劲靓！
