讲到韩国「花样男」，有样有身型，带领韩风吹遍亚洲嘅，必定非Rain莫属。Rain系韩国人气RnB及流行音乐歌手，2006年曾获〈时代杂志〉选为全球100位最有影响力人士之一；并喺2007年，获〈People〉Magazine封为年度最美丽人士。Rain喺2004年凭韩国最高收视电视剧之一嘅〈浪漫满屋〉而广为亚洲多个地区Fans熟悉，更凭此剧夺得KBS电视台最佳男主角奖。其后推出第3张唱片〈It's Raining〉，喺全亚洲录得100万张嘅销量，更喺亚洲多个地区及美国举行巡回演唱会「Rainy Day」。
