信唔信？惠英红谦称冇奖攞：返嚟撑场
凭TVB剧集《铁探》成为今届《万千星辉颁奖典礼2019》视后大热的惠英红，专程从内地返港出席盛事，并与剧中拍档姜皓文（黑仔）踏上红地毡。问是否专程返港攞奖？她说：“我喺杭州返港，听朝就飞去北京拍电影。（好多人睇好你攞大满贯！）唔系，我舞台剧都攞唔到，唔紧要，我会继续努力，返嚟系撑场，想套剧攞‘最佳剧集奖’，黑仔都系专登返嚟。（有奖就继续拍剧？）都冇人搵我倾，即系唔系有奖啦！”
更指以往出席颁奖礼基于一份尊重，和得奖与否无关。谈到她是视后大热人选，惠英红谦称：“咩唔系《金宵大厦》大热咩？呢排我都唔喺香港，所以《金》剧同《多功能老婆》我都系睇咗一、两集，可能佢哋表现好过我呢，同埋系监制话我哋套剧系全年最高收视，所以我就特登返嚟撑场。”