【鼠吧杂谈】黄子华一些金句。。。

爱情有如流星雨,短暂而美丽,
如果你没有时间谈情就请你跟我露营
只要有泳衣，死左都有得医
你好巴闭咩？我够有3个C咯，
你爱的,得唔到.你唔爱的,你甩唔到
卸咗妆后仲认得叫做化妆,认唔嘅叫做乔装
化妆叫make up，女人唔单止俾个make up你睇，仲要俾埋个making of你睇
鞠躬尽瘁死而后已,If I try so hard, I will die after worst.
百佳呢个名改得好,甘大间铺头只系得100样野系佳.呢D咪叫做谦虚罗.
基本上男人系做到三个不,不主动,不抗拒,最重要我地系不负嘅.D老板成日话D员工做野都唔罗个心出来,激死人！员工就成日话老板都唔罗旧金出来,洗死人.

你返去同日本人讲~~钓鱼台我地中国的!
佢畀份人工你，一半系畀你做嘢嘅，一半系畀你受气嘅

D猪扒令到我哋D男人好唔安乐
但却令到你哋D女人好快乐buffet 不妨太过份.出猫不要太高分
我有一份工...叫做阴功
喺爱情之中，女人最伟大！男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。

我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我重细，唔知道原来身材都好重要架
杀人放火金腰带 今次唔得帮你挽鞋

唔该你失恋就唔好唱情歌啦,失恋唱情歌即系漏煤气,你关窗姐
好多人结婚，最初就以为自己系婚姻嘅用家。后来先发觉自己系感情嘅炒家，於是想离婚。 但系离婚又要搅几年，睇住周街都系新盘靓盘，自己个盘又放唔出，几难受！
我从小就知道，我系一个伟大嘅演员
虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。当然，我啲朋友个个都赞我，话我天生出嚟，就系戴绿帽嘅    
如果你话我听，因为我唔靓仔，所以唔可以做戏，你唔应该话我听！因为唔关我事，我唔应该负呢个责任，你应该同我父母讲，系佢哋搅成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏！或者剩系做茄呢啡！

我唔系一个唔负责任嘅人，为我爸爸妈妈嗰短短一刹嘅快感，我已经负责负咗廿几年。你估做我好易做啊？
我细个读书唔好，或者唔合格，我冇要父母负责。我自己签晒啲成绩表嘅。
每当我爸爸妈妈有争执闹交嘅时候，我有冇叫佢哋为咗我嘅童年著想，忍下对方？冇！我叫佢哋出街闹！
我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我
反而系我调番转头，提醒佢哋：你哋要搵钱啊，积谷防饥啊，唔系第日老来无依无靠啊！乜嘢都系我！
一件污,二件秽,三件无所谓。

白雪公主，识得果个系王子，灰姑娘识得果个又系王子；
有个有特殊嗜好，中意锡青蛙噶女人锡左只青蛙一淡，
只青蛙变出嚟嘅又系王子！有冇人谂过根本个王子系同一个人呢？
根本呢个王子都不知几花心，周围沟女。仲无良到扮青蛙去沟添！所以话，其实呢个世界上没王子，只有扑街，最憎就系果D扮王子噶扑街！！
但后来随着世界噶发展，我觉得现代噶爱情故事当中，其实都系无公主噶．因为等白马王子救噶果个系公主，拿把剑噶王子救果个又系公主，就连扮青蛙果个王子救噶都是公主．其实果个公主都唔知比人救过几多次啦．甘又有冇人谂过根本个公主其实都系同一个人呢？呢个公主其实都不知几贪心想有好多王子救佢．

爱唔系PART-TIME，你唔可以话：『爱！做完咪走罗！』  
恋爱系一盘生意，你要二十四小时谂住佢。 
自己生意，冇所谓PART-TIME 正识。  
人地放假或者过年过节，你更加要开OT添。 
行花市啦行海旁啦睇戏食饭啦....   
你有乜0野竞争对手呢？  我冇竞争对手?！  你估你系专利巴士公司呀？  港巴都执0左啦！  有冇考虑结婚？  咁就要向公众交代，咁就即系上市啦！  
所以，『中学生应否谈恋爱』唔系问题、  
问题系『人类应否有两份全职工作？』  
你再拍拖，需要知会你老板：  『老细，我出面搵0左份恋爱，我真系好需要呢份恋爱?，不过公司0野我会照做，我兼顾到。』  
然后你老板会话：  『咁你不如搵多份爱情，咪直情唔洗番呢分工罗』

依家D人沟女，对绦女最大0既要系乜呀?  
唔系靓，最紧要，系够新鲜!  乜0野叫做够新鲜呀?  
就系话、沟0左一年0个个，就唔够沟0左半年0个个咁正。   
因为半年0个个新相识，新鲜D。  
同样，沟0左半年0个个，就唔够三个月咁正。  
沟0左一个月就唔够半个月0个个咁正。  
沟0左一日就唔够半日0左个正，如此类推，终於...  
沟0左0个件，就唔够未沟果件咁正！  
咁即系点呢??  
仲沟唔沟好呢?一沟就唔正?！靓仔系唔系真系o甘重要呀?  
有o的人话男人唔驶靓仔o既,有才华o米得罗.   
系,你有冇试过带你o既才华去落disco识女仔呀?  
人地o的靓仔一行入去,唔洗二十分钟,就已经同的女仔互相问问题:  [你度定我度?]  
我带住我o既才华入到去,几难先搵到个女仔肯比个机会我.  
唔系比机会我交换问题,而系比机会我天才表演.  唱歌跳舞做话剧讲大话功夫表演,成套欢乐今宵一个人做一次......

失恋系会令人成长o既.  
我失恋之前,一向都觉得世界上所有问题都有答案.  
点解我地每日都要8点钟起身返工呀?  
因为够钟o罗!   
点解我地有够钟呢样o野呀?  
因为我地唔用浮动上班时间o罗. 
点解呢个世界有战争?  
因为我地有武器罗.  
甘点解我地要有武器呀?  
因为佢地有武器o罗.  
一切都有答案,直到我失恋.  
阿珍,点解你唔爱我?  
阿珍比o左一个经典既答覆我,佢话: “爱情系冇点解o架,系唔可以解释o架,唔好问啦.”（记紧这句啦)  
如果番学阿sir问我o野都可以o甘答就好o勒!  
“黄子华,物体燃烧点解需要氧气呀?”  
“阿sir,系冇点解o架,系唔可以解释o架,唔好问我啦!”