【喜喜】郑嘉颖先生陈凯琳小姐大婚 相关新闻+图片+视频 汇总

二楼备用

【鄭嘉穎陳凱琳結婚】接新娘唱《一千個願意》　仲要揹住行200呎
撰文：黃梓恒 2018-08-12 18:04 最後更新日期：2018-08-12 20:20 來源：XIANG港 01

鄭嘉穎、陳凱琳於今日正式在在峇里Bvlgari Resort舉行婚禮，在今日早上，嘉穎進行接新娘儀式，阿Grace要求下，他更唱出自己首本名曲《一千個願意》，跟住又將Grace抱起，由走廊行入大廳，足足200 呎路程，向雙方家長進行斟茶儀式，好似好辛苦！不過嘉穎就話：「無辦法喇，為咗娶老婆，乜都要做㗎喇。今次算好簡單㗎喇，其實佢哋，Grace嗰邊嘅伴娘，都係好易話為，所以剩係唱咗首歌同揹咗佢出去，多謝佢哋。」

今次鄭嘉穎和陳凱琳的婚禮可算是神秘中舉行，大家都是一個月左右前才得知，但原來一眾親朋好友早在幾個月前先收到知會，嘉穎說：「我喺度要好多謝每一位參加我哋婚禮嘅朋友，遠道而嚟，其實喺4,5個月前已經通知咗佢哋，因為佢哋要度期、工作關係，亦都好多謝佢哋百忙中抽空嚟見證我哋婚禮。今日係感動嘅，我見到Grace行入教堂已經忍唔住，流咗兩滴馬尿，亦都好感觸大家講咗好多真心話，其實我覺得我哋嘅婚禮係比其他婚禮唔同嘅，因為有一段除咗好公式嘅嘢，我哋自己都講咗一段心目中對對方嘅感覺，呢一段係我兩個都好感動嘅。多謝大家嘅祝福，多謝晒，希望你哋明白我哋係想一切從簡而隆重嘅，所以就唔通知大家。」祝兩位新人白頭到老喇！

至於Grace，亦都有講到自己的感受：「到我哋行禮之前，我叫嘉穎快啲去咗教堂先，因為我唔想俾佢睇到我著呢條婚紗，因為從來都無見過。當我自己著起呢條婚紗，我就突然之間個肚好似『羅羅攣』咁，因為好緊張，心跳又加速。當我去到教堂前面，音樂一起，我翹住爸爸行入嚟，嗰一刻我見到全部人企起身去歡迎我哋，同埋替我哋開心，我就覺得我哋一直舖排終於成事。我行到尾嘅時候，其實我都一直忍住唔想喊，但我一望住嘉穎，佢已經流咗一滴眼淚，我都估唔到佢會早過我喊，所以我都忍唔住。呢個感覺真係超現實，好開心有一個咁好嘅老公，亦好期待我哋將來嘅幸福快樂，雖然知道婚姻有好多個階段，但喺呢一刻我已經係最開心。」

鄭嘉穎陳凱琳結婚，Sweet到呢。

陳凱琳裙褂Look好靚！

鄭嘉穎陳凱琳宣誓，好動人。