“散場”一聲怒吼後，殷賞和余家昇二人彼此反方向地走，剩下一班不懂反應的潮童留下來。
｢死人余家昇!!!!｣殷賞走了幾步後再轉角位停下來..｢死臭龜蛋!真係唔追上嚟!激死我喇!!｣口中唸唸的不停咒罵著沒有追上來的他..
在另一邊廂..余家昇卻在不知情況下被咒罵著途中低下頭來口中又不停地暗罵自己因一時衝動而弄至如今難以挽回的局面..一聲哀怨下默默回頭想追回他的小獅子..但當他走了數步後卻停了下來，這一刻他才發覺原來自己根本就沒有勇氣..握緊了拳頭｢追到佢咁又點?真係可以當咩事都冇發生過?!我真係可以俾到佢想要嘅幸福?!佢真係可以原諒到我所有對佢嘅傷害?｣他站著了腳步，再一次回頭大步的走..漫無目的的走著。經過了一間不知名的酒吧門口，搖了搖頭後便大步的踏入門口..
當他進去後便選了一個角落坐下來，點了兩打酒後大口大口地喝下，雖然剛才被潮童玩完一輪後胃部已經不停發出警告，但心痛大於胃痛情況下他仍然沒有理會，今晚他只想醉…但他想都沒有想過經過了今晚後..一切都改變..
不知過了多久，酒枱上的空酒瓶不同姿態的躺著，而余家昇卻無力的趴在枱上口中不停的唸著｢賞..殷賞..｣
此時一個已經注視了他很久的男人慢慢的走到余家昇身旁坐下｢想解脫嗎?｣，昇聽到這一把從天而降的聲音便抬起頭來醉醺醺的看著面前一個陌生的男人疑惑地問｢解脫?哈~如果有得可以解脫我都想..走啦!｣他擺擺手又再一次趴下來。但那一個男人完全沒有離開的意思並再說:｢如果可以忘記一切，咁對於你來講係咪解脫?｣昇聽到這一番話不自覺地笑起來，笑了一會後他抬起早已淚流滿面的頭來看著他:｢~忘記一切?!我都想呀，我真係想忘記我點樣傷害佢，點樣去利用佢達到目的!你知唔知我每次諗起佢對住我喊個樣，每次諗起佢撕心裂肺嘅神情我有幾心痛!我真係好想同佢講我唔想，我真係好愛佢!稻草人對過路人係真..我余家昇對殷賞都係真!但係..我真係原諒唔到我自己!明明偷步行前係我，但原來我每走前一步把刀就插得佢越深..!我真係好辛苦，每次都係佢無條件原諒我。而我呢?!我一次又一次對準佢心臟插落去!點解，點解佢每一次都要原諒我?!就算係今日佢都肯俾機會我..你知唔知佢每一次原諒我，我都覺得我好無恥!我究竟有咩資格坦然接受佢嘅原諒，我冇資格呀! 明明一次又一次傷佢嘅人係我，點解呀!｣他一手將枱上最後一支酒倒落口。
在旁的男人看著他傷心的神情..微微揚起了嘴角..｢聽你咁講..即係你都想忘記一切係咪?既然你原諒唔到自己，何不灑脫啲從佢世界消失..將佢幸福還俾佢?｣
昇再次抬起頭看著他:｢真係可以?佢真係可以得到幸福?｣
男人點了點頭:｢可以..我可以幫你。仲可以幫你忘記一切。聽你咁講你已經傷咗佢好多次，你擔唔擔保到你以後都可以同佢保持距離?既然相愛不能愛，何不唔將佢幸福還俾佢，只要你從佢世界消失，可能佢真命天子先會出現呢?而你都可以解脫一切迎接自己嘅幸福..｣
昇:｢幸福?!哈..我唔需要..我只想用我一生來換取佢要嘅幸福..我只想見到佢笑..唔再喊，我只想要佢幸福，唔好再遇到我呢啲咁嘅小人..｣男人聽到後滿意地笑了笑，然後不知那裡來了一張紙遞到他的面前:｢當你簽咗呢一張協議後，我地今日所講嘅都會成真!｣昇看了看那一張協議書，因太醉原因根本看不清細節便說:｢哈..可以..如果佢可以得到幸福，你要我條命我都俾你!｣他看都沒有看便拿起那一個男人手上的鋼筆在上面簽了大名後便醉倒了..
余家昇醒來後發覺自己躺在自家床上感到頭痛無比，非常艱難地半撐起來..突然他想起了自己應該在酒吧，應該不是自己家裡。但可惜他怎樣都想不起來昨天是誰送自己回家，只記得不知道和誰說起話來..此時眼睛傳來澀澀地的反應，還有就是自己身體傳來的陣陣惡臭..他搖搖晃晃的走出自家房門，剛好撞上了正準備出門口的樂兒。｢哥~你醒喇!｣本來想速逃的樂兒想起了昨晚有份戲弄自家的哥哥不禁流出冷汗。昇看到了樂兒的反應便說:｢我成個人棟咗喺度你話我醒未呀..｣樂兒吐了吐舌後本來想再次速逃，但正想逃離時卻被叫停:｢我想知尋晚我係點返嚟?｣樂兒聽到他這樣說先是呆了一呆，才說:｢尋晚係有一個男人送你返嚟..佢話係你朋友，見到你飲醉酒就抬你返嚟!｣
昇聽到後有一點愕然:｢你話係我朋友?｣
兒:｢係呀。｣她看了看手錶後便再說:｢冇嘢我走先喇｣正想又再逃離的樂兒突然想起了什麼回頭向昇說:｢啊~係呀。尋日送你返嚟嘅男人有啲奇怪..佢尋日臨走前同我講話咩叫我唔駛擔心，話阿哥你將會有一個新生活咁..｣
昇皺皺眉:｢新生活???｣
兒:｢係呀..不過我諗佢都飲咗好多，醉酒佬講嘢邊度駛在意架!｣
昇:｢嗯..係呢..我想問..｣昇欲言又止地看了看對面的窗檯。樂看立即意會到便說:｢放心，賞姐佢尋晚冇事。你走咗之後我地喺轉角位搵到賞姐，跟住我同包公就送佢返嚟..不過..｣
昇緊張地問:｢不過咩?｣
兒:｢不過我地尋晚見到佢..佢喊得好犀利，哥..唔好話做阿妹多事，你尋晚咁樣走咗去，留低賞姐一個人喺度喊，如果你唔係我阿哥我真係寧願賞姐唔要你呀!雖然我係後知後覺，但我聽到賞姐不停話咩..你又係咁..咩縮返落去龜殼度，我聽到佢咁講我諗阿哥你應該你都唔止一次整喊佢啦，男人要一個女人流咁多眼淚唔好架，你去追返人啦..｣樂兒不知從那裡來的勇氣一口氣將自己看不過眼的說話。她本來還想再說，但看到自家哥哥抿了抿嘴便將所有說話全數吞下。余家昇突然狂腦海閃過一句說話:｢我只想用我一生來換取佢要嘅幸福..我只想見到佢笑..唔再喊，我只想要佢幸福，唔好再遇到我呢啲咁嘅小人.. ｣樂兒看到了昇呆呆的站著感到有點奇怪便用手在他面前晃了晃，昇回過神來立即瞪了一下樂兒｢仲唔去返工?!遲到喇!｣樂兒才想起原來差不多過了時間!立即半跑出門並說:｢哥。你快啲追返老總啦!仲有你好臭呀，快啲去沖涼..｣“砰”一下關門聲便留下正想出口說教的余家昇。他看著緊閉的大門再看看那一個“心窗”心想:｢佢應該都出咗門口..｣便走進洗手間。
