一、五言
Sawqmwh faenz cix vauq,
Hwet doq gauj lungzgungz;
Guh mbauq lij caengz lumz,
Yuq bohlungz sadsad.
Meh ciengx lwg sin’hoj,
Rox aeu maz boiz aen;
Ndoi bya bienqbaenz ngaenz,
Boiz aen meh mbouj hwnj.
Faex mbouj siuq mbouj gon,
Vunz mbouj son mbouj rox;
Lauxsae dangq boux boh,
Sin’hoj son raeuz gvai.
二、六言
Sawqmwh faenz cix doq vauq,
Hwet caemh doq gauj lungzgungz;
Guh mbauq vanzlij caengz lumz,
Vunz yuq bohlungz sadsad.
Meh raeuz ciengx lwg sin’hoj,
Rox aeu gijmaz boiz aen;
Ndoi bya ndaej bienq baenz ngaenz,
Cungj boiz aen meh mbouj hwnj.
Benjfaex mbouj siuq mbouj gon,
Vunz raeuz mbouj son mbouj rox;
Lauxsae caemh dangq boux boh,
Sin’hoj son raeuz baenz gvai.
三、七言
Sawqmwh gangz faenz cix doq vauq,
Aen hwet caemh doq gauj lungzgungz;
Mwhcoz guh mbauq lij caengz lumz,
Lwgnyez yuq bohlungz sadsad.
Meh raeuz ciengx lwg saed sin’hoj,
Rox aeu gijmaz ndaej boiz aen;
Dajveh ndoi bya bienq baenz ngaenz,
Cungj boiz aen meh raeuz mbouj hwnj.
Benjfaex mbouj siuq de mbouj gon,
Vunz raeuz mbouj son caemh mbouj rox;
Lauxsae saedseih dangq boux boh,
Dwgrengz sin’hoj son raeuz gvai.
※七言变体
Nuengx bak raeh,
Nuengx bak raeh gvaq fag daeqdau;
Geijlai dietsienq cungj gamj bauz,
Beix lau caeuq nuengx beij bonjsaeh.
Gangj bonjsaeh,
Gangj daengz bonjsaeh beij beix ca;
Daeh bwnh beix lumj guk roengz bya,
Rauq naz beix dangq lungz gvaq haij.
四、三五联
Roeg raen roeg,
Caez doxgyuk haeuj ndoeng;
Doengz raen doengz,
Gangj sam ngoenz mbouj imq.
五、四六联
Sawqmwh faenz vauq,
Hwet caemh doq gauj lungzgungz;
Guh mbauq caengz lumz,
Vunz yuq bohlungz sadsad.
Meh raeuz sin’hoj,
Rox aeu gijmaz boiz aen;
Ndoi bya bienq ngaenz,
Cungj boiz aen meh mbouj hwnj.
Faex siuq cij gon,
Vunz raeuz mbouj son mbouj rox;
Lauxsae dangq boh,
Sin’hoj son raeuz baenz gvai.
六、五三五联
Sawqmwh faenz cix vauq,
Gon lumj rauq,
Hwet doq gauj lungzgungz;
Guh mbauq lij caengz lumz,
Lwgnyez vunz,
Yuq bohlungz sadsad.
Meh ciengx lwg sin’hoj,
Geq fouz soq,
Rox aeu maz boiz aen;
Ndoi bya bienq baenz ngaenz,
Danghnaeuz caen,
Boiz aen meh mbouj hwnj.
Faex mbouj siuq mbouj gon,
Vah dem coenz,
Vunz mbouj son mbouj rox;
Lauxsae dangq boux boh,
Gaenx goqhoh,
Sin’hoj son raeuz gvai.
七、七三七联
Sawqmwh faenzheuj cix doq vauq,
Gon lumj rauq,
Aen hwet caemh doq gauj lungzgungz;
Mwhcoz guh mbauq lij caengz lumz,
Lwgnyez vunz,
Bouxboux yuq bohlungz sadsad.
Meh raeuz ciengx lwg saed sin’hoj,
Geq fouz soq,
Rox aeu gijmaz ndaej boiz aen;
Dajveh ndoi bya bienq baenz ngaenz,
Danghnaeuz caen,
Cungj boiz aen meh raeuz mbouj hwnj.
Benjfaex mbouj siuq de mbouj gon,
Vah dem coenz,
Vunz raeuz mbouj son caemh mbouj rox;
Lauxsae saedcaih dangq boux boh,
Gaenx goqhoh,
Dwgrengz sin’hoj son raeuz gvai.
八、勒脚欢
（1）
Sawqmwh faenz cix vauq,
Hwet doq gauj lungzgungz;
Guh mbauq lij caengz lumz,
Yuq bohlungz sadsad.
Ndwenngoenz dangq raemx lae,
Mbat bae cix mbouj dauq;
Sawqmwh faenz cix vauq,
Hwet doq gauj lungzgungz.
Ngoenz doek ngoenz cix gvaq,
Bae’naj mbouj dauqcungz;
Guh mbauq lij caengz lumz,
Yuq bohlungz sadsad.
（2）
Meh ciengx lwg sin’hoj,
Rox aeu maz boiz aen;
Ndoi bya bienq baenz ngaenz,
Boiz aen meh mbouj hwnj.
Gvaq giuz gaej lumz dwngx,
Gwn raemx gaej lumz mboq;
Meh ciengx lwg sin’hoj,
Rox aeu maz boiz aen.
Meh aencingz gvangqlangh,
Mbouj raen hamq miz haenz;
Ndoi bya bienq baenz ngaenz,
Boiz aen meh mbouj hwnj.
（3）
Faex mbouj siuq mbouj gon,
Vunz mbouj son mbouj rox;
Lauxsae dangq boux boh,
Sin’hoj son raeuz gvai.
Ciuhlaux byaij daeuj gvaq,
Ce roengz vah roengz coenz;
Faex mbouj siuq mbouj gon,
Vunz mbouj son mbouj rox.
Laj mbwn vunz doegsaw,
Yaek bouxlawz mbouj rox;
Lauxsae dangq boux boh,
Sin’hoj son raeuz gvai.
九、特例的嘹歌（腰脚韵到底）
O O O O▲
O O▲O◆
O O◆O▼
O O▼O O
Cib coenz fwen guh liux,
Goetgeuj dawz gvaq geh;
Dawz gvaq geh go’goux,
Dawz bakbouh bae cuengq.
Mwngz liux gou mboujliux,
Gou lij geuj baenz cag;
Gou lij rag baenz mae,
Gou lij gyaez fwendoiq.
十、五言四句是壮欢的基础，只要掌握了它的韵律格式，不管是多少言多少句的壮欢都可以左右逢源。
----- Daegdenz Ranzcung(2018/01/01)