回复：【明明很爱你】马明踢波相关新闻和图片汇总（2018年起）

無間體育會 今晚接受 #香港足總裁判班 邀請，於 #將軍澳 #賽馬會香港足總訓練中心 出戰 #追夢90's，球場相信都係香港數一數二靚場，可惜球場同更衣室距離甚遠，行去都要10分鐘，但一讚係球場燈光完美充足，認真的確好耐無踢到咁光猛嘅球場，對手追夢90's更係前職業球員組成，無間超人都踢對面，無間更先失一球後力追，最後2：1反勝，大家好波好玩。
椰子今場前鋒有助攻助守，有越位有犯規，後衛有入球黃金機會又有被判用腳嘅手球十二碼，最後射入重射到唔入修正返嘅完美數據當選今場Man of Match。
MEMO
無間今晚接受香港足總裁判班邀請，於將軍澳賽馬會香港足總訓練中心出戰追夢90's，球場相信都係香港數一數二靚場，可惜球場同更衣室距離甚遠，行去都要10分鐘，但一讚係球場燈光完美充足，認真的確好耐無踢到咁光猛嘅球場，對手追夢90's更係前職業球員組成，無間超人都踢對面，無間更先失一球後力追，最後2：1反勝，大家好波好玩。
因為今場為裁判班訓練賽，所有嘢都跟足程序，例如比賽分上下半場，必須穿著整齊球衣及帶PAT，無間嚴陣以待，上半場無間以阿春振守大門，傷患困擾嘅RayMond死都要响呢個靚場踢返節，所以同龍輝先出任中堅，威仔同高佬輝任左右閘，中場由左至右叻哥，阿謙，馬明，黃祖同阿楊組成，單箭頭椰子挑戰越位陷阱，對手人數足夠出兩隊，上半場出果隊比名宿較後生，戰力亦比較強大，無間陷入苦戰，但仍能頂任攻勢更偶有反擊，可惜先失波始終係無間，對手一次攻勢由右路組織再斬入龍門遠柱，對方前鋒衝前掃把腳撞入成0：1，無間經過夢遊15分鐘後開始站穩陣腳，更踢回自己節奏，攻勢亦開始有效，阿謙於廿幾碼施放冷箭，射出衝力射球幫無間追回1：1完上半場。
下半場高腳，廸比，Vic同陳濤悉數上陣，對手追夢90's差不多全隊換哂，名宿居多但球技更出眾，無間未能佔得太大甜頭，但完全感受到裁判訓練嘅效果，的確相當多誤判，明白越位太難拿捏，所以無間以無越位踢法對待比賽，雙方互有攻守，無間靠一次角球攻勢，廸比右邊角球斬出，高而貼近龍門，龍輝不斷嗌廸比唔好咁斬波之下，皮球越過龍門頭頂，遠柱阿Vic左腳掃把腳窄角度撞入，無間反超前2：1，之後對手反攻右路勁射俾阿春撲出，門前執雞補射又鈄出，無間亦有兩次具威脅攻門，廸比右路罰球斬入禁區，無間竟有4名球員突破越位陷阱，但椰子一跣柱邊出界，追夢反擊右路底線出波，椰子用腳閂到出底線，但鬼異事情出現，主裁判練習生竟然吹十二碼，大家當然向球證解釋，但裁判教練話睇到係腳，但主裁判吹咗十二碼就俾佢吹埋，大家無話可說。。。但更鬼異事情再出現，十二碼一射阿春雖然撲到但都入網，但主裁判練習生竟然吹返要重射，再射對方一射高出，真係冤枉嚟冤枉去，臨完場無間再有一個攻勢，阿Vic左路突破交中路阿馬，阿馬再交右邊後上廸比面對龍門竟然射門一飛衝天，最後無間僅勝追夢90's 2：1。
椰子今場前鋒有助攻助守，有越位有犯規，後衛有入球黃金機會又有被判用腳嘅手球十二碼，最後射入重射到唔入修正返嘅完美數據當選今場Man of Match。