【怡定成功】 唔服李佳芯？胡定欣“峰”骚话冇呢件事

【唔服李佳芯？胡定欣“峰”骚话冇呢件事】
艺人#胡定欣# 、#袁伟豪#出席Michael Kors旗舰店开幕，穿上低胸连身裙闪闪裙的定欣，表示趁未开戏要拣定台庆衫，更指年尾有多个颁奖礼要拣衫而头痛。
有传胡定欣不服@Ali李佳芯 于新加坡《星和大奖》爆冷夺视后，她表示：“唔会，冇呢件事，对李佳芯有信心，替佢高兴，奖项系鼓励，公司需要多演员，每个人都等机会，我系过来人，最重要系之后，必须努力，对佢有信心，好开心，佢系好演员。（惊佢误会？）唔会。（传话你叫胡说八道姊妹投宣萱票？）我哋都冇份投，当笑话。”

问到睇好李佳芯？定欣表示好多朋友都有份，都去派对，今年有《同盟》的鲍起静一同提名视后而感开心，更会支持她，而且又未试过与宣萱一同提名，好开心。问到她自己有冇信心？她表
示轻松心情，希望《同盟》有好成绩。

李佳芯(Ali)早排喺新加坡《星和無綫電視大獎》爆冷封后，有指今次佢撼贏胡定欣同宣萱，連佢自己都覺得意外。話晒《星和》係台慶頒獎禮嘅得獎指標，好似舊年陳展鵬同胡定欣，喺新加坡擸完視帝視后獎，緊接喺台慶再下一城，定欣冧莊攞視后，陳展鵬亦毫無懸念封帝。

不過今日有報道指李佳芯爆冷封后，原本有望冧莊嘅胡定欣，就覺得對方未夠班攞獎，事關好姊妹黃智雯同姚子羚資歷深過佢，都未曾攞獎，而定欣本身亦睇好回巢拍劇嘅宣萱，點知最終雙雙敗喺Ali手上，定欣自然唔服氣。報道指定欣已號召一班「胡說八道」好姊妹同「Cracyrunner」一班老死，喺嚟緊台慶當晚，一致投宣萱做視后，就算自己冇機會再冧莊，都唔想益「外人」咁話。
至於冇得埋堆嘅Ali，噚晚現身馬場，為浪琴表錦標賽擔任嘉賓，人逢喜事嘅佢，以一身白色大露背晚裝現身，齋睇背脊已經加晒分，成為馬場另一亮點。

【人气王：有事业冇爱情　胡定欣恨有男友呵】
视后#胡定欣#近两年来剧接剧忙个不停，加上绯闻缠身，虽然事业达到顶峰，但感情方面仍然交白卷。随着绯闻男友#陈展鹏#传有新恋情，定欣亦加紧步伐，计划趁工作空档抖一抖，扩阔生活圈子多交朋友，期望缘分前来敲门，找到一个呵护她、照顾她的Mr. Right。
两届视后胡定欣的演艺生涯踏入第15个年头，近两年她在剧集《城寨英雄》与《同盟》中大展身手，去年更凭《城》剧封视后，为一线花旦立下新标准，就是女仔亦可以“好打得”！
定欣与陈展鹏在《城》剧火花四溅而传绯闻，早前宣传《同盟》期间再被炒热，加上“前度”马国明与黄心颖挞着，令她卷入绯闻中央！谈到展鹏与单文柔发展中，定欣说：“大家都单身，好戥佢开心。我对绯闻一向都Relax嘅，工作同私人生活唔一定要挂鈎，相信宣传过后，绯闻好快就会过去。（同展鹏升华做最佳拍档？）都系，《同盟》同《城寨英雄》好唔同，有好多对打戏，要对戏就位，仲要合力搞笑，或者监制再搵我哋拍档，都会头痕谂谂要搵乜新题材。”
对男友展现另一面

定欣事业登上高峰，在剧中接连大显身手，平日又不时晒运动照，相信不少人都认为她是位擅长照顾自己的事业型女性，她笑说：“做得呢一行嘅女仔都好硬净，多数时候都要自己照顾自己，可能大家觉得做艺人要好Strong，大家有咁嘅印象我系开心嘅，但其实我都有想人呵护、好Girly嘅一面，班姊妹都知我恋爱时会唔同晒。（叫姊妹介绍对象，宣扬吓你另一面？）有时间相处就会睇到我另一面。”

独自旅游搵缘分
定欣早前与Fans庆祝入行15周年、影迷会13周年及预祝36岁生日，谈及Fans对她的感情生活非常紧张，她说：“冇得急喎！我都试过停低谂一谂，我以前觉得事业同感情可以同步进行，但呢两年真系好忙，每日都系凌晨或朝早先收工，试问又点会拍到拖呢？我都想趁拍完《宫心计2深宫计》休息吓，去扩阔生活圈子，或者我真系需要识多啲唔同嘅朋友。（有冇初步计划？）或者可以去旅行，我一直好享受一个人去旅行，相信缘分会有安排。”问到哪类型男士能吸引芳心？定欣直言：“男人最紧要有上进心，有清晰目标，照顾到另一半。（锺情有才华嘅男士？）我好欣赏有才华嘅人，才华亦都系散发吸引力嘅一种方式。”
父母担心人生大事唔敢追问！谈及感情生活，定欣罕有地提起家人，她说：“妈咪问我会唔会有时间识多啲朋友。（爹哋呢？）佢比较内敛，唔会讲出口，但我知佢心里面系想知嘅，佢会问其他屋企人我最近点，但佢哋都明白我工作嘅情况，所以唔会开口追问。妈咪好细心，知我做嘢辛苦会帮我准备汤水，我都尽量唔表现出辛苦一面，怕佢哋挂心。”
定欣感激父母一直让她自由选择：“见到爷爷嫲嫲好支持我演出，睇得咁开心，已经觉得喺事业上交到功课。（有冇信心今年再争视后？）唔敢再谂，仲有好多同事做得好。”

六姊妹开剧有得谂！
定欣在《同盟》中与“胡说八道会”好姊妹姚子羚共同进退，她开心之馀，却大呻唔够喉：“对上一次同剧已经系2006年嘅《酒店风云》，今次仲加埋好朋友陈山聪，我哋三个知道可以合作都非常开心。子羚嘅表现好有惊喜，原来佢同山聪可以咁Sweet，我哋会互相分享女仔点去演打戏，但其实对手戏唔多。”谈及下次剧集或可加入黄智雯做对手戏，定欣即向各监制公开呼吁：“可以搵齐我哋6位胡说八道会姊妹拍套剧呀！好似《女人俱乐部》咁，一班女仔有唔同故事。我哋之间有太多经历，如果可以带入角色或剧情会好特别，虽然胡杏儿嘅情况可能要再倾倾，但相信有机会成事。”

《同盟》播出期间，网上流行一条选择题：“拣胡定欣或姚子羚？”令一众男士相当头痕！定欣指子羚确实如剧中一样“Girlfriendable”，她笑说：“佢不嬲好索、好甜美，一直好受男孩子喜爱，我哋都有研究呢个话题，子羚话会拣我，咁我当然系拣佢，所以系平手嘅！”