【新闻】同無綫完約　蓋鳴暉回復自由身專注舞台

粵劇名伶蓋鳴暉出席保良局慈善粤劇晚《月老笑狂生》宣傳活動，她表示早前與無綫完結二十多年賓主關係，現是自由身，並指堪輿學家李居明與新光戲院有4年合約，自己希望多放時間於舞台方面：「以前拍劇唔多，但合作得愉快，係一間開心嘅機構。（想唔想拍劇？）想，不過好辛苦，比較鍾意舞台，可以即時睇到觀眾嘅反應，會有喝采嘅聲音，舞台劇自由度大啲。」
雖然如此，她認為拍劇有宣傳效果，不會被觀眾遺忘，又指當演員好玩，續說：「有同啲高層傾過，隨時可以返去做客串角色。（想演咩角色？）反派，不過好難做，平時做粵劇演正人君子多，反派係有深度嘅角色。」她又表示作為演員，任何角色都不介意演：「要豁出去，不過妓女就唔啱我，江湖人物會啱啲！」蓋鳴暉又表示拍劇的體驗能對舞台有幫助，她說：「拍劇係做人哋嘅東西，唔係自己嘅經歷，要多觀察人哋，將生活化帶回戲中。」她謙虛謂雖然出道二十多年，但仍在學習中，並表示活到老學到老。