日期： 2017.2.24
活動： 《天命》外景探班
嘉賓： 陳展鵬、姚子羚、魯振順、趙希洛、
李嘉、關梓陽、關偉倫、李岡、
江富強、崔錦棠、李海生、曾健明、
曾啟綸、盧偉文、黃耀煌、鄧重謙、
陳富勝、黃成想、李成昌、王靖怡、
黃欣、陳芷尤、盧宛茵、祝文君。
時間： 14:40
地點： 將軍澳電視廣播城古裝街少林寺外

「視帝」陳展鵬與姚子羚在將軍澳電視城古裝街為無綫新劇《天命》開工。氣搵急降到只有12度，問剃了頭扮演和珅的陳展鵬凍不凍？他笑說：「呢個係前哨戰，3月去北京、橫店拍外景仲凍，好耐未試過拍古裝唔使流汗，愈凍愈好啦。」
陳展鵬拍攝時先後傷頸和右膝，右膝傷勢已經九成痊癒，稍後會再投入拍攝動作場面，講到馬國明拍《深宮計》連踩超過27小時，陳展鵬則說：「27個鐘對於我嚟講好正常，希望拍啲好嘅嘢，有多啲時間休息個樣會精神飽滿啲，又唔會咁易受傷，套劇受傷咗兩次都係因為唔夠休息。（最長踩幾多個鐘？）拍《叛逃》試過53個鐘，嗰陣年半拍五套劇，好多時會疊住咗，又唔係完全冇瞓，喺車程嘅時候瞓，係體能嘅測試。（點頂眼瞓？）靠意志，好似當兵打扙。做演員最辛苦其實就係冇得瞓，唔夠瞓個人會好燥底、好炆憎，演員好似打扙咁，一埋位就要集中精神，都係靠意志。」

年半拍五套劇　陳展鵬自爆曾53個鐘冇瞓