[龚主驾到][新闻]“丑”女唔忧嫁 30岁乐瞳爱熟男

唔卖靓样Sell演技
乐瞳说：“人生点都要演一次丑角。”故豁出去接演咸鱼妹，但拍摄时心情极度低落，出街都没有自信：“估唔到外界咁接受，可能大家唔睇我外表，呢排多咗人赞我演技，之后都唔介意继续丑，可能应该一早演丑角㖭啦！（仲想演咩角色？）想尝试演残障人士、精神分裂患者，呢班人内心世界少人明白，希望透过剧集令大家更多关注。”最近乐瞳再接受挑战，在新剧《平安谷．逐个捉》中饰演超大力牛屎妹村姑，继续不卖靓样Sell演技。

自封地狱厨神
爱吃的乐瞳受访当日试整炸鸡，她自封地狱厨神，炮制特大芝士鸡球时，相当轮尽，她笑言有拖拍时会钻研才艺，但她现时单身故疏于练习，难免鸡手鸭脚。踏入三字头的她，爱情观亦有所改变：“前两年我急住想结婚，但依家个心反而定落嚟，爱情唔系最重要，希望做好事业，更加有安全感。

（拣男友心态唔同咗？）我不嬲好认真，每次都想到老，但始终未搵到真命天子。（择偶条件？）冇定㗎，我以前啲男友都系唔同Type，有时Set定对象类型，到头来身边嗰个都唔系咁，另一半最紧要成熟同教到我嘢，同埋食烟就唔得。（目标几时结婚？）以前想30岁，依家都过咗啦！随缘！”