【多情似海】◇17-01-27◆〖新闻〗【節目公開放閃】李多海

現年32歲的韓劇《大話妹》女星李多海，去年9月被爆同32歲男歌手SE7EN由多年好友昇華為戀人，隨後兩人大方認愛，表示已拍拖7個月，計返李多海同SE7EN都已經拍拖就嚟一年，感情都相當穩定，上年11月SE7EN來港宣傳新碟時，李多海仲做埋跟得女友，秘密來港支持男友順便拍拖。
而李多海日前擔任tvN綜藝節目《人生酒家》嘅嘉賓，雖然節目喺下月2號先播出，不過節目組今日就率先公開預告，似乎李多海喺節目中大方提及男友SE7EN，公開放閃。預告中李多海提到：「反而我要多謝佢(SE7EN)，多得佢我變得開朗咗，我仲會諗，如果只係同佢保持朋友關係，我驚之後會後悔。」公開向男友表白，認真甜蜜，主持人聽到李多海咁講都立即起哄，連李多海自己講完都怕醜笑一笑。