由韩女神全智贤同“长腿Oppa”李敏镐主演嘅《蓝海传说》今晚将播出大结局，剧组先后公开新预告同剧照，当中今晚係唔係大团圆结局就惹来观众关注。
喺预告中，承接上一集讲到李敏镐决定放心畀全智贤返回大海，又畀全智贤决定删唔删除自己嘅记忆，预告中众人似乎都唔记得全智贤，但去到大海嘅李敏镐就略有所思，此时难忍相思之苦嘅全智贤亦嚟到李敏镐屋企，点知开门嘅李熙俊竟然问佢係边个，而失落嘅全智贤喺街头流连兼避雪，李敏镐担住雨伞嚟到，问全智贤係唔係认识自己，重演当日喺西班牙李敏镐撇下全智贤喺百货店，但最终去搵返佢嘅场面。