【頭條日報】01月20日 AM 03:00
美魔男張智霖（Chilam）近日接拍內地劇《求婚大作戰》的同時，亦攝時間踩埋邱禮濤導演的新驚慄電影《常在你左右》。日前晚上，劇組在大角咀拍外景，現場有型男林德信和張智霖化身血人拍攝一場的士和私家車的撞車戲。見二人超好戲，一Take過搞掂。Chilam到場先化妝，又即場落埋妝走人，似乎真係好趕時間喎。
張智霖夫婦近年不斷參加內地真人騷《一路上有你》，拍完一輯又一輯，勁受歡迎。本月，他連接三戲，搞到人夫大歎「精神分裂之旅」。其中一套係邱禮濤導演的驚慄電影《常在你左右》，好耐無拍鬼片的Chilam話：「今次有殺人戲份，有些肢解戲份，畀我變態一次。」
日前晚上11時，新片在大角咀拍攝一場撞車戲。扮演的士司機的Chilam戴上眼鏡、薯look登場，同場有Lam仔林德信（Alex）。Alex塊面一早化好個血妝，到場再補啲血漿，而較輕傷的Chilam就到場先化血妝。二人跟手入的士埋位，只見導演嗌action，兩男就在車廂中扮演重傷嘅痛楚表情，三分鐘超班演出，一Take搞掂。Chilam即落車企街等人服侍，兩化妝師快手噴水幫人夫卸妝，話咁快，血淋淋樣就還原靚仔chok樣，然後火速收工。反而Alex拍完仍在場同劇組吹水，任由血漿披面。
張智霖口擘擘扮好痛就收工
張智霖分身拍三片，落埋妝即走人
飾演變態殺手的Chilam，戴眼鏡扮司機
早前，Chilam夫婦帶10歲乖仔張慕童去黃金海岸過聖誕
劇組繼續拍場跳樓戲（替身），加半截上身飛嚟飛去嘅鏡頭，個公仔幾恐怖O架
美魔男張智霖（Chilam）近日接拍內地劇《求婚大作戰》的同時，亦攝時間踩埋邱禮濤導演的新驚慄電影《常在你左右》。日前晚上，劇組在大角咀拍外景，現場有型男林德信和張智霖化身血人拍攝一場的士和私家車的撞車戲。見二人超好戲，一Take過搞掂。Chilam到場先化妝，又即場落埋妝走人，似乎真係好趕時間喎。
張智霖夫婦近年不斷參加內地真人騷《一路上有你》，拍完一輯又一輯，勁受歡迎。本月，他連接三戲，搞到人夫大歎「精神分裂之旅」。其中一套係邱禮濤導演的驚慄電影《常在你左右》，好耐無拍鬼片的Chilam話：「今次有殺人戲份，有些肢解戲份，畀我變態一次。」
日前晚上11時，新片在大角咀拍攝一場撞車戲。扮演的士司機的Chilam戴上眼鏡、薯look登場，同場有Lam仔林德信（Alex）。Alex塊面一早化好個血妝，到場再補啲血漿，而較輕傷的Chilam就到場先化血妝。二人跟手入的士埋位，只見導演嗌action，兩男就在車廂中扮演重傷嘅痛楚表情，三分鐘超班演出，一Take搞掂。Chilam即落車企街等人服侍，兩化妝師快手噴水幫人夫卸妝，話咁快，血淋淋樣就還原靚仔chok樣，然後火速收工。反而Alex拍完仍在場同劇組吹水，任由血漿披面。
張智霖口擘擘扮好痛就收工
張智霖分身拍三片，落埋妝即走人
飾演變態殺手的Chilam，戴眼鏡扮司機
早前，Chilam夫婦帶10歲乖仔張慕童去黃金海岸過聖誕
劇組繼續拍場跳樓戲（替身），加半截上身飛嚟飛去嘅鏡頭，個公仔幾恐怖O架
