搞返晒啲証件同咭後終於有時間整理一吓18―21/6發生的事:-
事缘於18/6當天，原打算由北潭涌上大枕蓋经大蚊山，再經蚺蛇坳上尖循赤徑出北潭凹｡
當日早上帶了約2.5升水及３條亞信屋買嘅energy bar，在西貢吃過早餐後就搭8:30開出的94號巴士前往北潭涌。於上窰站下車便沿萬宜路到迴旋處後便開始上山。
隨行隨拍不經不覺已經過了大枕蓋，當日天氣雖有雲但陽光亦很猛烈及很熱，所以在10:18於fb出了一個post說想落雨。誰不知發了留言不久就响了－個驚天雷，於是我又在fb留言說"好邪"後便加緊腳步落山。到大蚊山入山囗處見雷雨雲已過，於是决定繼續行程上山｡
可能大蚊山不是熱門山徑，所以路徑不太明顯，全被灌木叢遮擋要半爆林咁上山，但到半路我就突然失去知覺了｡直到醒時發現自己竟躺在灌木叢中睡著了，這時懵吓懵吓咁無意識到甚麼又繼續瞓｡過不久手機响起原來是女皇打來問我死咗去邊，於是答話仍在西貢山上馬上下山回家。(此時看手機時間約8点左右，而事後睇返當天除我聽到的那個雷外，之後約10:30右還有一次，但第二次雷响我卻沒有聽到。故估計失去知覺或者昏迷的時間大概係10:30至20:00，而且好大機會係雷電導致｡)

突然－下扎醒，此時已經天光且發現仍身處樹林內，於是又馬上找路走人｡走了不遠就發現了一條石澗，於是沿澗向下游行到一處有一大平石的水潭，於是稍作安頓並為水袋加水｡之後就以該水潭為中心四處探路｡附近環境是這樣的，水潭水來源於一約２米高的小瀑布，水由－條較平緩的水澗再被大石分開兩邊流下，水潭下就一直傾斜下降十米左右有一處塌山泥痕跡｡而澗一邊為峭壁－邊均為樹林。
就在沿澗上游探路期間，不知是自已昏了頭出現幻覺還是甚麼？沿澗行吓行吓居然會行返轉頭，有乜可能？於是再行竟然見到有認識嘅山友喺前面一個行緊，當然叫他啦！但對方没有反應，於是追上前去！點知一轉眼睇睇路就唔見咗人｡唯有繼續行｡這時居然又見到有另－認識的山友，但又係叫她没返應，我又追，到了一個位要垂直爬落３米到，一於照爬，就在爬了未到一半時突然失手，心諗"大鑊"已面朝天飛墮下面乾澗上｡好彩下面啲石大又圓，除了擦損雙手及有些痛外都無乜大礙，但當然人又失去踪影了｡最後行行重行行，唔知點解又返番去個大水潭邊，於是先休息一下。休息一會後又再找出路，這次就入下游方向右邊樹林探路吧！開始時樹好疏落好易行，行行吓於樹叢較密那處，枝葉的空隙間隱約見到一座紅磚砌的建築物，無錯！係－座好大的兩三層高建築物，唔係村屋｡第一時間爆入去啦！點知入到去除了樹都係樹｡唯有又返轉頭｡這時發現有架super puma喺我頭頂低空般旋，因當時只過了一晚並無意識到家人已報警，故没想過直昇機係揾我，而我當時亦没想過出唔返去要求救，所以並無理會(真笨)｡最後過了－會(其實可能係觀察了我－會)直昇機就飛走了｡

後記‐
因為知我三日沒吃過東西，jc們即時遞了兩隻蕉及一條餅給我吃。
「此段要放棄百度痴_線改極都出唔到,咁普通嘅醫院片段都話不合法」
之前提過的消失的火機及龘煙，亦很神奇地遇到jc後，往咸龘田士多途中獲龘告知找到。
重有樣神奇嘅係，在山中幾天，竟然無被任何蚊叮蟲咬｡反而住院時被蝨咬龘咗十幾啖｡
以上所述均為本人親身龘經歷，可能係幻龘覺或其它，但絕非發夢｡因發夢受傷現實係唔會有傷口及流龘血的｡
另在此再三感謝當時有份協力之各龘界人仕，正苦咅阝門等等。
ps:由於小弟不才，墨水有限｡如有睇到頂唔順摔壞手機者，概龘不負責！

邊個寫架？

我睇過, 好詭異