Ranz byawz miz sawcuengh, dawz okdaeuj yawjyawj.
谁家有壮文，亮出看看

geh（gij） minghcoh ndaw soujgih gou gyuenj（cungj） dwg sawcuengh gyanh。

gou nauq miz sawcuengh
gou rox hauq raeuz

hoeng mwngz yawj mbouj rox

Ranz gou mijmiz Sawcuengh,hoeng ndaw ukgyaeuj gou cungj dwg Sawcuengh liux……

教学壮文的网页
http://www.gxmzb.net/node_303.htm

以下是本人用壮文写作的一篇文章。第一稿，还没仔细修改，提早拿出来与关心壮文的贝侬分享：
Ranz Manz
Mbanj gou miz ranz vunz he, vunzlai cungj heuh ranz de guh ranz manz. Deng vunz heuh guh ranz manz, dwg aenvih song boh lwg ranz neix cungj manz dai.
Gangj daxboh manz haenx gonq. Seiz lij guh bouxcoz, de caeuq ndaw mbanj boux vunz he guhceng, songde cungj gangj swjgeij mbei hung, gijmaz fangz cungj ndi lau, ceng bae ceng dauq, boux ndi fug boux, daengzlaeng boux manz haenx yienghneix gangj vah manz:“Bae ra song fag limz daeuj, songraeuz doiqnaj, mwngz dawz fag hwnj hoz gou, gou dawz fag limz hwnj hoz mwngz, heuh ‘it ngeih sam’ le, raeuz doengzseiz rag limz gvej hoz, yawj bouxlawz dai gonq!”
“Guh couh guh, lau dai ndi dwg bouxsai!”Bouxvunz doengz mbanj haenx mbouj fugheiq.
Daengz ngoenz daihngeih, boux manz haenx guhcaen lo, de muz song fag limz raeh daengz daeq ndaej bwn’gyaeuj, dawz limz bae daengz ranz boux doengzmbanj haenx naeuz:“Guh loha,ngoenzneix yawj byawz dai gonq!”Gangj sat, dawz fag limz hwnj hoz swhgeij bae, youh dawz lingh fag lim hwnj hoz vunzmbanj haenx bae, boux doengzmbanj haenx siengj mbouj daengz bouxmanz neix guhcaen, seizneix limz hwnj hoz le saenzgywggywg deuz nyouh conh……
Gienh saeh neix fatseng youq gaijfang gaxgonq, gienh saeh neix dwg caen lwi gou ndi ndaej raen, dan dwg dingq bouxlaux gangjgoj gangj gvaq.
Gou caen raen gvaq bouxvunz manz, dwg boux doengzhag siujyoz gou. Boux doengzhag neix couh dwg daeglwg bouxvunz manz haenx. Boh dwg vunzmanz, seng ok duz lwg hix manz dai.
Miz haemh he, dou geij boux lwgnyez doxdoj, beij bouxlawza mbei hung. haemhlaep ok mbanj bae, byawz deuz ma gonq byawz couh dwg lwg laudai, byawz dauqma ceiqlaeng de couh dwg lwg mbei hung. Youq nienzdaih haenx, ok mbanj dou bae ndi gyae dauqcawq miz moh, vunz mbanj dai le cungj dawz bae haenx moek. Dou lwgnyez banhaemh cungj lau gag byaij gvaq dieg moh, dingq vunz gangj mbwn laep byaij gvaq haenx gingciengz miz feizfangz gaenlaeng, bingzseiz mbwnlaep le mboujmiz bouxlaux daiqloh, dou cungj lau ok mbanj bae. Haemhhanex, dou geij boux laudai haenx caengz ok mbanj, couh deuz dauqma lo. Dou ma daengz ranz gig nanz seizgan le, lij ndi raen lwg manz haenx dauqma, dou lai de caen deng fangz rag bae lo, couh lwnh hawj bouxlaux nyi. Bouxlaux dawz dienhdoengz daiq dou ok mbanj bae ra, ra bae gig gyae cij raen de. Seixhaenx, bouxlaux caeuq dou cungj doeksaet lo: Lwg manz haenx ninz youq henz moh, moh haenx loh ok aen gang cang ndoek, de got ndaek ndoek vunzdai ninzndaekfofo……
Daj baez neix hwnj, dou bang lwgnyez bouxboux cungj lau lwgmanz lo. bouxboux cungj fug de dwg lwg mbei hung. De riu dou mbei iq lumj duznou, yienghneix suenq maz bouxsai, lajga begbeg aemq diuz viz mbouj miz yungh.
Doeklaeng, youh fatseng song gienh saeh manz he.
Gienh saeh daih’it, dwg boh manz dawz cungq aeu nyingz daxmah de. Seizdaih haenx ndaw mbanj miz minzbingh yingzcangj, boh manz ndaej guh hak neix, lij ndaej fat fag cungq he hawj de dawz. Miz ngoenz he, de caeuq mehlaux swhgeij cengbak, de manz hwnjdaeuj couh dawz cungq yaek nyingz mehlaux. De guh saeh manz neix le, couh mbouj ndaej dang minzbingh yingzcangj, fag cungq hix deng sou bae lo .
Gienh saeh daihngeih, dwg lwg manz aeu hanzhaz yied dai gaeqlwg vunz. Miz ngoenz he, duz gaeqmeh ranzhenz daiq bang gaeqlwg haeuj ranz de ra gwn, lwg manz raen gij gaeqlwg gwn haeuxgoek ranz de le, huj hwnjdaeuj dawz diuz hanzhaz bibi baba yied dai geij duz gaeqlwg bae, caeklaiq duz gaeqmeh deuz ndaej vaiq, mboujne hix deng dub yungz lo.
Ranz vunz neix boh lwg cungj manz baenz yienghneix, vunzmbanj bouxboux cungj lau ranz vunz de, vunzmbanj comz gwn laeuj bouxboux cungj gik caeuq bohlwg de doengzdaiz, bae ndoi goenx haz bouxboux gik caeuq bohlwg de guhdoih. Cungj vunz manz neix, daengz dai hix ndi miz vunz gyawj de.
Daj baez neix hwnj, dou bang lwgnyez bouxboux cungj lau lwgmanz lo. bouxboux cungj fug de dwg lwg mbei hung. De riu dou mbei iq lumj duznou, yienghneix suenq maz bouxsai, lajga begbeg aemq diuz viz mbouj miz yungh.
Doeklaeng, youh fatseng song gienh saeh manz he.
Gienh saeh daih’it, dwg boh manz dawz cungq aeu nyingz daxmah de. Seizdaih haenx ndaw mbanj miz minzbingh yingzcangj, boh manz ndaej guh hak neix, lij ndaej fat fag cungq he hawj de dawz. Miz ngoenz he, de caeuq mehlaux swhgeij cengbak, de manz hwnjdaeuj couh dawz cungq yaek nyingz mehlaux. De guh saeh manz neix le, couh mbouj ndaej dang minzbingh yingzcangj, fag cungq hix deng sou bae lo .
Gienh saeh daihngeih, dwg lwg manz aeu hanzhaz yied dai gaeqlwg vunz. Miz ngoenz he, duz gaeqmeh ranzhenz daiq bang gaeqlwg haeuj ranz de ra gwn, lwg manz raen gij gaeqlwg gwn haeuxgoek ranz de le, huj hwnjdaeuj dawz diuz hanzhaz bibi baba yied dai geij duz gaeqlwg bae, caeklaiq duz gaeqmeh deuz ndaej vaiq, mboujne hix deng dub yungz lo.
Ranz vunz neix boh lwg cungj manz baenz yienghneix, vunzmbanj bouxboux cungj lau ranz vunz de, vunzmbanj comz gwn laeuj bouxboux cungj gik caeuq bohlwg de doengzdaiz, bae ndoi goenx haz bouxboux gik caeuq bohlwg de guhdoih. Cungj vunz manz neix, daengz dai hix ndi miz vunz gyawj de.
注：用我们家乡壮话构思、行文，与壮语标准语扣得不紧，但书写都尽量按照标准壮文。
谢谢指教！最希望指出具体修改点，以便二稿修改。

还漏了最后一节：
Boh manz haenx dai ndaej miz di siliangz. Ngoenzhaenx, song gyaeujyah de bae ndoinaemhnding goenx hazguet, ma daengz buenqloh gvaq aen ndoi lingq he, cingqngamj bungzdaengz duz vaizdag aeu gwih vaizmeh. Vaizdag youh hung youh cang, seizneix de cingq guh saeh haenx mizyinx, nyiengh de yaep he seizgan youh ndi dai ndaej vunz. Hoeng goeng manz neix ndi guenj duz vaizdag haengj ndi haengj, rap baenz rap hazguet couh caenx gvaqbae, boux vunz manz baenzlawz manz ndaej gvaq vaizdag, duz vaizdag aeu gyaeuj caenx gvaqdaeuj, goeng manz sikhaek couh deng laemx roengz lingq bae……
Ndi gvaq ndaej geijlai ngoenz, goeng manz couh dai youq yihyen lo. Mehyah naeuz de dwg banenzbingh dai, hoeng vunz ndaw mbnaj cungj nyinhnaeuz dwg deng vaizdag fatndau daemj dai.
Daeglwg manz haenx hix dai ndaej caeux, daengz dai de cungj caengz aeu ndaej yah. Ngoengz he, de bae haw gai byaek, miz bouxcoz daeuj cawx byawj, bouxcoz haenx bak lai gangj byaek de bengz, de couh ndaq vunz, song boux beizheiq hung neix couh guhceng hwnjdaeuj, ceng daengz laeng bouxcoz haenx dawz fag mid okdaeuj doengj haeuj dungx de bae, dungxsae cungj deng loh okdaeuj……
Lwg manz dai le, ranz manz neix mbouj lw miz vunz lo. Youh caiq gvaq cib lai bi,aen ranz de hix lak lo.

Boh manz haenx dai ndaej miz di siliangz——siiengz

fag limz => fagliemz
daxmah => daxmeh
hazguet => hazgut
vaizdag => vaizdaeg
banenzbingh => baenzbingh
ndaw mbnaj => ndaw mbanj
cawx byawj => cawx byaek
dungxsae => dungxsaej

Ran gou miz hoen Sawcuengh ,mwngz aeu bae ndaem mi ?