[cp][#楊怡#新聞] 藝人楊怡出席劇集《#末代御醫#》宣傳，穿上露腰裝的她肚皮扁平，以行動證明尚未懷孕，對此阿怡笑謂：「大家諗多咗，都係嗰樣嘢，唔會刻意話畀大家知，時間證明一切(不設防？)隨緣啦。」
傾緊續唔續約
談到與無綫合約已於本月一日屆滿，阿怡坦言還未續約，但是次活動也不算是義務，不諱言也望有份演出的作品口碑及收視好，再加上另一主角郭晉安不在港，故由她出盡力宣傳，問到是次活動是否無綫最後一個活動？她謂：「暫時啫，有適合工作都會做，係約滿咗，但好多嘢傾緊，呢行好細，無綫係我娘家，有啱嘅嘢都會做(老公羅仲謙有冇畀意見？）工作方面大家係獨立，佢會畀意見(話你搵前經理人搭通內地天地線發展？）冇話打唔打通，有適合工作會去試(有內地公司搵？）之前都有傾，但要睇適合時間。」
擺酒贊助搲得就搲
問到現時是否適合時間？阿怡笑指現時很忙，因要籌備年尾擺酒事宜，由於今年是盲年，故現時正為挑選日子煩惱，更揚言望有關方面贊助，她謂：「搲得就搲！」問到會否停工造人？阿怡表示不會：「自己工作都想做(意外呢？）希望唔好有意外，Touch wood, 順其自然啦！」而屬自由身的她問到會否加盟阿謙公司星皓，阿怡坦言沒有這個想法，但若夫妻檔出席活動或合作卻不抗拒。[/cp]

[cp]@楊怡TaviaYeung: 將踏入人生另一階段，謝謝你從此牽著我走......[握手][握手][女孩儿][男孩儿][女孩儿][男孩儿][女孩儿][男孩儿]@羅仲謙 感謝大家對我們的祝福[心][心][心][心][心][心][/cp]

@羅仲謙: 羅楊怡！謝謝你的愛️@楊怡TaviaYeung[/cp]

恭喜，真心的

【#律政強人#】藝人@黃智雯Mandy 於葵芳出席無綫劇集《律政強人》宣傳活動，刻意打扮的她晚上將出席羅仲謙及楊怡的婚禮，當然已經為一對新人準備了人情。她表示見識羅仲謙與楊怡在拍攝《On Call 36小時》而認識，繼而拍拖到結婚，令她感覺夢幻，至於今晚會如何玩謙仔？她說：「唔玩喇，我怕佢灌番我轉頭！」 黃智雯強調羅仲謙取得楊怡為妻應該要好好多謝《On Call 36小時》團隊，更踢爆當年謙仔為找機會親近楊怡，特意約齊該劇演員一同到主題樂園玩，至於一眾演員是否是媒人？她說：「監製潘嘉德就真係媒人喇！（要佢哋斟茶畀監製？）叫謙仔錫德哥一啖啦！」

[cp]羅仲謙與楊怡結婚的大喜日子，一對新人於下午約五時見記者,新娘子楊怡站在老公身邊，一臉幸福，二人更大晒閃爆婚戒，楊怡說：「佢嘅戒指上面有個『H』，即係Him啦，我隻戒指就係一個『T』，係代表大家嘅英文名，寓意白頭到老，一齊開開心心，幸福！」楊怡透露今日簽字時非常感動，她說：「好感動，但唔算係好緊張，個心好感動，入去會場已經喊。（依家講番都想喊？乜嘢誓辭特別感動？）唔記得咗，死啦死啦……生啦生啦！我同佢（羅仲謙）講，我會講5分鐘，你唔好講1秒鐘呀！」但當傳媒要求二人重講誓辭內容，楊怡即刻阻止老公。謙謙則藉機公開愛的宣言冧老婆，他說：「我入會場已喊，比喺英國時更感動，可能因為今日有屋企人見證住。我好多謝阿怡，由拍拖到依家踏入第六年，跟住結婚，只有阿怡一個全心全意支持我、信任我，我認定呢個女人，我應該永遠保護！」楊怡也化身幸福小女人，回應老公說：「我其實要嘅幸福好簡單，我唔使食乜好嘢，所以我咁瘦，亦唔使坐靚車，我同佢（謙謙）講，只要我哋手牽手，就可以行到老！」問到二人生育大計，謙謙說：「我其實想生女先，因為我係細佬，做細嘅好幸福，多謝大家關心，總之隨緣。（開始咗造人）係！開始咗，睇天意啦！（今晚預飲酒？）我向來滴酒不沾，搵王浩信、豹哥、吳卓羲幫我飲。（有乜遊戲玩？）嘩，你喺我老婆面前問我？」[/cp]