Vunz Ndaw Rungh
Bouxvunz gwn raemx caeuq haeux ndaw rungh sengmaj, vanzlij baenzneix gyaez ndaw rungh. Hoeng, daengz 80 nienzdaih, mbauqcoz ndaw rungh hainduj byaij ok rungh daeuj, daengz baihrog bae roemx seiqgyaiq.
Yienghneix, daengx mbanj cij lw bouxlaux caeuq lwgnyez lo. Bouxlaux ganq diegnaz swhgeij ndaem baenzciuh, ngoenznaengz gaem faggvak, youq ndaw naz guhhong, soundaej sinhoj caeuq maqmuengh seiqgeiq bi he.
Bouxlaux ngoenznaengz daengngoenz okdaeuj lo couh guhhong, daengngoenz doek bya ngamq dauqma. Gyoengqde gwed aen daengngoenz ndaw rungh, gwed gij goj ndaw rungh, dawz lan, dawz gaiq naz swhgeij. Ndawsim gyoengq bouxlaux itcig siengj lwgsai swhgeij, niemh lwgsai dwk dienhvah dauqdaeuj ranz cam gvaq ndaej ndei mbouj ndei……
Lwgnyez dwg gorangz ndoengcuk, moix ngoenz maj hwnj hoh ndeu. Hoengheiq ndaw rungh singjsien, vanzging gyaeundei ciengx ndaej aen singcingz gyoengqde gig gvaigvet. Caengz bae hagdangz, baenzngoenz humx dwk bouxlaux guhcaemz. Seizhah, gyoengq lwgnyez daegbied maij caemz raemx, gyoengqde youq ndaw dah diegcoj swiqndang, youq henz dah laeb hwnj bauqdaiz、gonh raemx doxdwk.
Daengz gvaq cieng, gyoengq lwg caeuq lwgbawx dauqma lo. Gyoengqde gwed daeh hung daeh iq dauqma, caemhcaiq lij daiq ngaenz dauqma. Ranzranz gaj mou gaj yiengz, goenghoh daengx ranz doxcomz. Moix ranz youq bakdou song henz nem doiq, venj daengloengz hoengz, cuengq bauqrengh, cunz caencik baengzyoux, nauhyied dangqmaz.
Bouxlaux、lwgsai、lwgbawx、lwgnyez habbaenz bang vunz gig hung he, buet youq gwnz roen geij cien bi mbouj bienq. Mboujgvaq, mboujguenj gyoengqde bae daengz gizlawz, gyoengqde cungj lumz mbouj ndaej diegcoj swhgeij. Lauheiq mbawfaex loenq dwg cungj gyaeundei swhyienz, haujlai vunz ok rog bae, cungj dawz ngaeuz diegcoj cuengq haeuj ndawsim bae. Mboujguenj gyoengqde mingzdaeuz gig hung, louz diegcoj youq ndawsim gyoengqde dwg boi raemx ndaej gaij hozhat, ciengxlwenx youq ndaw ndang swhgeij diuq dwk, riuzdoengh dwk……
Bouxvunz gwn raemx caeuq haeux ndaw rungh sengmaj, vanzlij baenzneix gyaez ndaw rungh. Hoeng, daengz 80 nienzdaih, mbauqcoz ndaw rungh hainduj byaij ok rungh daeuj, daengz baihrog bae roemx seiqgyaiq.
Yienghneix, daengx mbanj cij lw bouxlaux caeuq lwgnyez lo. Bouxlaux ganq diegnaz swhgeij ndaem baenzciuh, ngoenznaengz gaem faggvak, youq ndaw naz guhhong, soundaej sinhoj caeuq maqmuengh seiqgeiq bi he.
Bouxlaux ngoenznaengz daengngoenz okdaeuj lo couh guhhong, daengngoenz doek bya ngamq dauqma. Gyoengqde gwed aen daengngoenz ndaw rungh, gwed gij goj ndaw rungh, dawz lan, dawz gaiq naz swhgeij. Ndawsim gyoengq bouxlaux itcig siengj lwgsai swhgeij, niemh lwgsai dwk dienhvah dauqdaeuj ranz cam gvaq ndaej ndei mbouj ndei……
Lwgnyez dwg gorangz ndoengcuk, moix ngoenz maj hwnj hoh ndeu. Hoengheiq ndaw rungh singjsien, vanzging gyaeundei ciengx ndaej aen singcingz gyoengqde gig gvaigvet. Caengz bae hagdangz, baenzngoenz humx dwk bouxlaux guhcaemz. Seizhah, gyoengq lwgnyez daegbied maij caemz raemx, gyoengqde youq ndaw dah diegcoj swiqndang, youq henz dah laeb hwnj bauqdaiz、gonh raemx doxdwk.
Daengz gvaq cieng, gyoengq lwg caeuq lwgbawx dauqma lo. Gyoengqde gwed daeh hung daeh iq dauqma, caemhcaiq lij daiq ngaenz dauqma. Ranzranz gaj mou gaj yiengz, goenghoh daengx ranz doxcomz. Moix ranz youq bakdou song henz nem doiq, venj daengloengz hoengz, cuengq bauqrengh, cunz caencik baengzyoux, nauhyied dangqmaz.
Bouxlaux、lwgsai、lwgbawx、lwgnyez habbaenz bang vunz gig hung he, buet youq gwnz roen geij cien bi mbouj bienq. Mboujgvaq, mboujguenj gyoengqde bae daengz gizlawz, gyoengqde cungj lumz mbouj ndaej diegcoj swhgeij. Lauheiq mbawfaex loenq dwg cungj gyaeundei swhyienz, haujlai vunz ok rog bae, cungj dawz ngaeuz diegcoj cuengq haeuj ndawsim bae. Mboujguenj gyoengqde mingzdaeuz gig hung, louz diegcoj youq ndawsim gyoengqde dwg boi raemx ndaej gaij hozhat, ciengxlwenx youq ndaw ndang swhgeij diuq dwk, riuzdoengh dwk……
