【最爱杏定】『杏定』【#胡杏儿#结婚】婚宴结束后

【#胡杏儿#结婚】新人約8時半進場，於小提琴輕快音樂下，Philip同杏兒十指緊扣步入會場。婚宴開始前大屏幕先播出兩人生活片段，之後兩人一同上台，新郎以英語向大家介紹兩人相識經過，杏兒以廣東話及客家話發表感言，稱讚Philip係好老公。隨後一對新人切蛋糕，合巹交杯，拋花球，花球由黃智雯接得。

【#胡杏儿#结婚】鄭嘉穎與陳凱琳否認為自己「婚禮」作準備。凱琳：「好期待入去睇杏兒條裙同酒席係點。」來偷師？楊怡：「係嚟祝褔。」羅仲謙：「要發生嘅自然會發生。（三月發生？）唔係雜誌所講。」搶花球？楊怡：「我今日高踭鞋太高。」謙仔：「姊妹團好多都會去搶，智雯同埋子羚應該會好狼。」

【#胡杏儿#结婚】「祝李杏福」婚宴今晚喺尖沙嘴Ritz Carlton酒店舉行，筵開56席。杏兒好支持環保，佢嘅喜酒餐單係無翅婚宴，共12道菜，非常豐富。餐桌放上紅玫瑰布置，充滿浪漫氣氛。一對新人都冇待薄記者，每人獲派貼有杏兒同老公Philip婚照嘅飯盒，有鮑魚一隻、煎荷包蛋炒飯配青菜，同埋牛肉。