【豪情天下】【新闻】陳豪攜大仔去中環歐陸嘉年華 大肚茵媺照樣陪

【爆相爆片】陳豪攜大仔去中環歐陸嘉年華 大肚茵媺照樣陪玩
198,821
建立時間 (HKT): 0113 16:00
19
適中字型較大字型
陳豪近日開行turbo工作賺錢養家，同老婆陳茵媺（Aimee）更密密造人，Aimee上年2月為陳豪生咗二仔Nathan，上年10月又宣佈陀第三胎，兩公婆三年抱三!計吓Aimee目前已懷孕約5個幾月，陳豪同Aimee呢對恩愛夫妻，並冇冷落大仔陳梓燁（Aiden）。
噚日讀者Catherine透過《蘋果》爆相爆片，話見到陳豪、Aimee帶埋大仔Aiden一齊去中環「AIA友邦歐陸嘉年華2015」，片中所見，Aimee為咗贏公仔畀Aiden，就算粗身大細，照樣玩得投入，而陳豪就扶實囝囝企開啲，同Aimee講：「go ahead!go ahead!mum!」為老婆打氣，Aimee雖然姿勢滿分，不過掟球掟咗3次都唔入，連自己都忍唔住笑咗出嚟!戴上口罩嘅陳豪成程負責抱住個仔，行行吓有兩個在場職員扭咗個波波畀Aiden，陳豪亦同阿仔一齊向職員揮手講bye-bye，認真有禮貌!
讀者Catherine大讚兩公婆好nice，佢話：「陳豪最初係戴住口罩，但我同囝囝搵佢影相，佢好nice咁除低口罩同我哋合照。不過我哋就冇搵Aimee影，因為知道佢哋應該唔想囝囝上鏡，所以太太要照顧囝囝。佢哋真係好好，樣樣事親力親為，冇工人喺身邊幫手拎嘢，好享受家庭樂。」至於細仔呢，估計就由家傭喺屋企負責湊。
(讀者提供圖片)
(讀者提供圖片)
(讀者提供圖片)
(讀者提供圖片)
(讀者提供圖片)
(讀者提供圖片)
(讀者提供圖片)
陳豪與陳茵媺早前直認覺得生兩個未夠數，所以繼續造人，最終成功追第三B。資料圖片

大肚茵媺去嘉年華 陳豪抱大仔陪玩
星島日報
5時前
中環歐陸嘉年華唔止吸引一班學生哥去，連陳豪(Moses)、陳茵媺(Aimee)都帶同2歲大仔梓燁(Aiden)現身，雖然2人均戴上口罩，但無論遊人及職員都認得2人大駕光臨，有人更膽粗粗要求合照，親民的Moses仲除埋口罩，企定定俾大家集郵。
一家三口遊玩期間，沒有工人或助手協助，出名廿四孝老公陳豪，為免懷有5個月身孕的太太Aimee辛苦，全程抱著Aiden四圍玩，陳豪全程笑容滿面，大肚茵媺亦玩得開心，還負責為兒子拍照。

就顾着家庭乐

momo感冒了吧

陳豪追住囝囝影相 陀B茵媺中獎跳起Yeah
2016年1月14日
　　陳茵媺好生養，2013年結婚，2016年已陀第三胎，預產期為5月初，陳豪擔起頭家，做到殘晒，所以去年尾拍完《完美叛侶》便開始休息至農曆年後。放假有大把時間家庭樂，本周二下午4時，本報記者全程直擊戴住口罩的陳豪抱住可愛大仔陳梓燁（Aiden Joshua），再拖住懷孕6個月的陳太去中環嘉年華Happy，老竇全程負責抱實囝囝同囝囝影相及幫老婆拎手袋，終極級廿四孝，而陀B陳太好有童心，玩擲波仔攤位遊戲玩到又跳又自轉，大住肚，小心好喎。
　　當日下午4時，陳氏一家現身嘉年華，三人先去同小飛象玩，然後再去搭小火車，因為車廂有兩個位，陳太就陪住囝囝，而陳豪就負責在車外拍攝，陳豪好盡責，小火車一經過眼前就會跟住跑，務求將老婆及囝囝拍靚。之後就去玩拋銀仔同擲波仔攤位遊戲，Aiden拋銀仔唔夠力，爸爸從旁教導，小朋友好叻，一教就明，雖然無中獎，但Aiden玩到笑晒，好開心。
　　甜爆溫馨家庭樂
　　囝囝玩完就輪到媽媽玩擲波仔過癮，陳太好貪玩，第一次中了細獎再追住玩，第二次又係細獎，但陳太依然興奮，跳起再自轉Yeah，隱約見到個肚跟住跳，嚇一嚇。玩夠收手再周圍影相，但囝囝見到小丑同踩高橈的人無乜興趣，離遠見到有車仔玩手指指，父母好識做，阿爸抱囝囝上車，輪到媽媽負責影相，之後阿爸再一齊影，Aiden笑到好甜，好鬼得意。玩了近40分鐘，加上不斷有人要求合照，最重要小朋友夠鐘食飯，一家三口笑住走，問到陳豪贏得多唔多公仔，抱住囝囝佢微微笑：「媽咪叻。」然後抱囝囝上車再細心扣好BB Seat位安全帶，閃玩50分鐘，雖然時間短短但溫馨又快樂。
　　（溫馨提示：睇片更過癮，絕非讀者提供業餘質素，請登入《頭條POPnews》） 採訪:張詠森

【add即時．尚】又係Hermes袋! 陳豪幫陳茵媺揹Lindy享家庭樂
10,483
建立時間 (HKT): 0114 07:01
日前陳茵媺(Aimee)同老公陳豪，被野生捕獲帶住大仔陳梓燁（Aiden）去中環「AIA友邦歐陸嘉年華2015」玩，享受家庭樂，Aimee更為贏公仔畀Aiden，就算粗身大細，照樣玩得投入。
Aimee差不多每次出街都用Hermes手袋，而且更經常轉款，Birkin、Kelly、Evelyne，又或Garden Party，相當富貴，日前當然都唔例外，揹了一個Hermes的酒紅色Lindy手袋，搭配一身casual look，陳豪仲好sweet咁幫老婆揹手袋，羨煞旁人。
陳豪幫粗身大細嘅Aimee孭手袋，好sweet。
Hermes Lindy手袋Aimee孭過Hermes Evelyne手袋。
另外又孭過Garden Party手袋。

全民狗仔的时代啊