http://hk.apple.nextmedia.com/enews/realtime/20150309/53513752【结婚11周年】与郭可盈行山庆「钢婚」 林文龙亲亲囡囡
林文龙同郭可盈2004年结婚,虽然曾经有传出过婚变,但两位当事人矢口否认,仲指相信系有人搞事。
其实佢哋两公婆一直都好恩爱,不时喺微博大晒家庭温馨相,好似上年可盈生日,文龙准备咗生日蛋糕,屋企仲布置得好靓,一家三口齐齐庆祝,当时可盈喺微博留言话:「一年容易又生日,今年的生日歌由津津亲自钢琴伴奏,爱心演绎,份外悦耳动听!」
听日就系文龙同可盈嘅结婚11周年,文龙今午四点几喺微博上载几张相,原来文龙上次更新微博,已经系去年9月了,文龙留言表示:「明天就是我俩结婚11周年,她终於肯跟我一起做运动了,就是『行山』,下午再带个女去沙滩玩,天气很好!生活其实真的很简单!」原来文龙同可盈去咗行山庆祝,之后同囡囡津津去咗沙滩玩,两父女玩得好开心,津津仲锡锡爸爸,文龙当然甜在心啦!


林文龙带囡囡去沙滩玩,囡囡兴奋踢水。(微博图片)

林文龙微博