【新闻】140905[忽然1周 997] 遭救生员抽水　刘思希豪晒34C导弹

出道三年的刘思希，去年在王心慰的《巨轮》演大茄后，在刚播完的《忠奸人》已升呢做第二女主角，并凭胶样弹起。有消息指她父母与大台高层熟稔，因此上位特快，更有指大台即将为她度身定做一出时装剧，让她坐正做女一。
有大台撑腰，加上家族有米，难怪被网友狂插，刘思希依然对自己信心十足。家住市值二千多万的半山雍景台豪宅的她，出入却是搭地铁、的士，十分平民化，但不少途人认得她，对她指指点点。
上周六（ 30日）下午，刘思希乘友人座驾，到南湾中滩晒太阳。身穿三点式的她尽骚 34C身材，引来不少男性目光。其间有救生员上前要求和她握手，她亦欣然答应。虽然该救生员摆明抽水，更笑淫淫说：「摸多阵先！」，但她毫不介意，看来对自己魅力充满信心。之后，刘思希更不时攞手机自拍 chok样， chok爆指数媲美林峯。

回复心情
虽然被网友围攻，不过刘思希未受影响。心情甚佳的她，更不时撩朋友玩。

频频自拍
刘思希不停自拍，对自己容貌信心十足。朋友都顶佢唔顺，自己睇书解闷。
猛男抽水
南湾中滩是同志热点，救生员久旱逢甘露，见到 C级身材的刘思希亦忍唔住埋身，要求握手，仲轻佻唔愿放手话：「摸多阵先！」

大晒身材
上周六（ 30日），刘思希在朋友陪同下，到南湾下水，兼晒下 34C白滑身材。
强调冇整容
本刊致电刘思希，重提被救生员抽水一事，她明显没介怀。但问到整容，她则戮力解画。
记∶之前影到你去游水，有救生员过嚟借啲意摸你手仔？
刘∶个救生员好热情，佢话有睇套剧，认得我，系热情咗少少。
记∶依家仲有唔少网友批评你？
刘∶依家比之前好咗好多，仲有啲人话我唔错。
记∶传你之前去过韩国整容喎？
刘∶我真系冇整容，我系生得唔好睇，我近年都冇去过韩国。之前拍《忠奸人》时，我谂住自己有雀斑，叫化妆师重手啲，点知出到嚟搞到变胶样，自己衰罗！
记∶你屋企人系咪同大台高层曾励珍好熟？
刘∶冇，我妈咪咁耐以嚟都系跟我去过一次宣传活动，佢都系企埋一边。
记∶传公司开套新剧俾你做主角？
刘∶唔知喎！未接到通知。
虽然被弹胶样，不过刘思希有副最强 body，大可在新剧中作为卖点，应该可以开拓宅男市场！