尊尼男团KAT-TUN红极一时，可惜随住主将赤西仁喺4年前离队，组合明显已大不如前，另一成员田中圣更是非缠身，连串桃色新闻兼有露下体照网上流出，结果上年9月畀尊尼事务所炒鱿，以龟梨和也为首嘅KAT-TUN目前以4人姿态继续发展。
现年28岁嘅田中圣面临失业，今年3月佢曾出席冲绳国际电影节，留须兼髦毛显得佢佬味十足。
点知事隔几个月，田中圣被爆转行，仲喺新宿歌舞伎町嘅老牌鸭店「舞」开工！
同店稳坐第二把交椅嘅高冈贤太郎，其实系女星高冈早纪嘅亲生阿哥，贤太郎同田中圣本身情如手足，佢承诺年赚至少几百万港元利诱田中圣入行，又打算斟一班尊尼事务所弃将齐落火坑，有指90年代偶像组合光GENJI成员赤坂晃都系目标之一。