「讲爱」广东话与「爱」广东话就争一个字！噉到底人嘅意识同埋行为系咪可以做到一致？呢样嘢就见仁见智啦。好多人口口声声就话「粤语就嚟危危乎喇，广电又全面减播粤语节目呀，出亲街听到嘅都系煲冬瓜吖屌…」点解呀？咪就系乜都「就」柒嗮lor！当然唔系话全部，之但系剩低嘅嗰一执人又可以坚持得几耐？呢个铺头老细话发展经济就下，嗰个士多事头又话可以增长效益就下，就下就下咪俾人恰到埋身lor！喂，唔好唔记得喎，呢个系我哋嘅地方嚟㗎。可唔可以俾啲主权意识嚟睇下呀？点解啲外省人去亲香港之前都要睇定攻略学定一两句广东话旁身呀？因为佢哋意识入边知道要过香港梗要识听识讲！无论系问路抑或买嘢回答你嘅都系动听嘅广东话。哩样嘢系需要每个人去自觉维护㗎，而唔系见个势唔好就拗底缩沙！再嚟睇返，粤语节目收视愈嚟愈差，电视台都要食饭㗎，播出街搵鬼睇咩你哋话系咪喇。唔知你哋系咪啦，喺广东我出街都系讲广东话，无论人哋问路定抑或去买嘢。买嘢更加之唔驶讲啦，我系消费者，你唔捻识讲广东话我可以唔Q买你嘢嘅嗻！唔好觉得一个人嘅力量咁系做唔到啲乜，你唔好唔记得，我哋系一大班广东人响度㗎。无论你系店老细抑或系sales，我希望听见你哋出嘅第一句声系讲「广东话」。唔该。仲有呀，每逢礼拜六咪鬼转芒果台睇乜鬼「快乐大笨象」喇，剩系得啖笑冇乜意义，记住锁定珠江频道，TVS，齐齐嚟撑本土节目，其实好多节目都好睇兼有意思，啱嗮大人细路一齐收睇㗎！嗱，呢啲都算系捍卫文化嘅一种办法嚟㗎，唔系下下都讲打讲杀嘅。一句到尾「Contonese never die！」-以上文字只代表个人立场。thx