普通话勿应该剌上海喧宾夺主！
上海话主要是剌上海使用。如果普通话成为上海个主流语言，上海还能到啥场化使用？大语种、通用语跟小语种、方言（通行一方个语言）个生存竞争是勿平等个。总归有必须使用大语种、通用语个机会，比如在场个人当中有勿懂当地话个外乡人。而必须用小语种个场合相对少。如果丛林规则，任凭以大欺小，必将造成小语种、地方语言因为使用空间被窒息而消亡。
事实上各国实践也证实迪一点。剌加拿大魁北克，处处优先法语使用，英语要退居二线；剌西班牙巴赛罗纳，处处优先加泰罗尼亚语，西班牙通用语卡斯帝扬语要退居二线；剌比利时布鲁塞尔，处处优先弗拉芒语，大语种法语要退居二线。迪些措施是确实保护了语言文化多样性。
瑞士国一国四语，德语区、法语区、意大利语区互勿通话，但是大家很团结。而历史哴，比利时歧视弗拉芒语、西班牙歧视加泰罗尼亚语政策才种下了族羣内部矛盾个根。
所以，我认为上海人勿会普通话覅紧，勿会上海话问题就大了。