煲仔饭，喺广州出晒名，讲起就流口水。所谓煲仔，唔系真系煲咗个仔，只系用细煲，将饭焗熟。咸鱼花肉饭、冬菇鸡肶饭、双拼腊味饭……喺街头巷尾，有时远远就闻到佢飘出嘅香味。店家通常将特制嘅炉摆出门口，上边密密麻麻排满咗瓦煲，煲盖仲喷紧蒸汽。啲师傅不时揭开煲盖，睇下里面嘅饭熟未，佢哋手脚麻利，生熟把握得恰到好处。干而不燶，咁先至香。