广州，香港都系使用以广州音为标准嘅广东话。喺八九十年代，由於内地媒体未够发达，而香港媒体非常发达，所以香港姏媒体对广东地区，尤其系广州有巨大嘅影响。70后嘅广州人，到家阵，讲嘅嘢都会有啲香港用法，而非当前内地用法，例如雪柜、冷气、花士令、士多啤梨等。然而，随著内地媒体逐渐发展壮大，家阵嘅80后，尤其90后，钟意收睇内地嘅综艺节目，接受内地嘅用词用语，喺佢哋口中，已经变成咗冰箱、空调、凡士林、草莓。而香港人较少收睇内地节目，且香港有良好嘅广东话环境，香港人会维持住自己的讲法。由此，衍生出嘅问题，就系粤语广州话分化。就好似福建闽南语同台语咁。再系咁落去，到时会变成内地粤语同香港语，严重影响两地人交流。内地人再都睇唔明港剧，只会去睇内地剧，最终只会造成内地粤语嘅消失。在此，我呼吁，大家多啲睇香港啲讨论区，例如香讨或者高登，了解用法，最起码要知道系乜意思。