"做割子宫手术，手术冇问题，但输血输咗个红斑狼疮症畀佢" <--- 真系好惨
薰妮揭遭夫虐打离婚

适中字型较大字型 虽然薰妮嘅病情反覆，但佢依然参演舞台剧《丽花皇宫》。
凭歌曲《每当变幻时》成名嘅薰妮将演出舞台剧《丽花皇宫》，原来佢嘅人生就好似佢首饮歌嘅歌词咁，一半乐事一半令人流泪，佢年前患咗红斑狼疮症痛不欲生，曾想过死，仲欠朋友成百万，不过薰妮视呢啲挫折系考验，仲会努力迎接，过咗一关又一关。
薰妮把磁性声音唱《每当变幻时》唱到深入民心，都几风光，但佢日前接受港台车淑梅访问时，把声就好沙哑，原来佢近年健康麻麻。薰妮话佢之前做割子宫手术，手术冇问题，但输血输咗个红斑狼疮症畀佢，抵得痛嘅佢都痛到忍唔住叫，所以曾经想过死，家病情都几反覆，但佢相信好多嘢自有安排，个人仲变得乐观。
薰妮接受车淑梅访问，大方承认自己欠债。 薰妮话佢前夫曾经因醉酒打佢，但薰妮对前夫仍有感情。
欠债百万薰妮又透露多年前佢从事金融嘅老公因爱饮酒，曾醉后失控打咗佢四次，有次仲将佢成个拎起掟埋墙30几次，最终离婚收场。不过薰妮话对前夫仲有感情，始终佢系一对仔女嘅爸爸。另外，薰妮家仲欠朋友成百万债，原因系多年前佢日本籍姐夫因癌病医到倾家荡产，但姐姐唔想放弃，所以薰妮帮手问朋友借钱畀姐夫去北京医，可惜姐夫最后都系要走，薰妮就努力工作还钱。