【夏日蔷薇】130908『新闻』林夏薇教徐子珊喊出层次

林：林夏薇
徐：徐子珊
林：一开始我就好钟意你！因为你好有一种屋企人嘅感觉。
徐：咁得意？
林：系呀！我觉得同你系会好啱，唔使成日见，我系钟意你o架！你爱唔爱我先？哈哈。
徐：我唔识用「爱」用喺女仔度，但我都好欣赏你。
林：我仲有留意你着衫，都几有fashion sense，简单唔造作。
徐：唔系嘛！我都系假手於人，咁本身自己都钟意fashion，每个月嘅必读物，下次你诚邀我一齐shopping啦，虽然我比你男仔啲，身形都唔同，但你咁瘦着咩都好睇！我觉得你太白，可以黑少少，依家兴健康嘅肤色，太过白唔太好。
林：系呀，呢排拍古装一定黑。

徐子珊（左）向科班出身的林夏薇请教演技，林夏薇大赞对方认真又虚心。

科班毕业先拔头筹
徐：好想问呢，听闻内地演员好多科班出身，学校系有一套theory教你，令你唔理感情真定假，佢哋都可以喊得好劲，take廿个take都系咁，系咪真系有㗎？
林：呢个问题都好多人问过我，以前我做话剧，好多场戏都要喊，我都唔系一开始就可以，但学校学到要分析剧本。
徐：依家我虽然有自己方法for某啲位喊多定少，感动程度去到边，但其实系咪有个计算去做呢件事？演员都好讲状态。
林：所以习惯分析剧本，入咗角色度，好多人拍喊戏会谂自己伤心事，我系唔会喊，性格唔钟意喊，我喊唔到，反而去谂角色入面系点，呢个方法系需要多啲时间，拍剧可以1、2个月喺角色入面生活，但有时情况会唔同，根本冇时间。我毕业出嚟嗰时都好困惑，究竟学咗啲乜？学校成日要写角色前台词，暑期功课仲要一句一句写，当时觉得有需要咩，依家发现真系有用。
徐：你day one已经知道，我就要做咗几年，先知有呢样嘢！
林：都话你犀利，冇学过都识呢样嘢，好似周迅咁，其实都冇学过o架，但佢有天分，有实践过，演员好讲性格，单睇佢虽然唔高，但行出嚟好有气势就知啦。

林夏薇向子珊「示爱」，笑言感觉似暗恋。

后记:人肉地图王
徐子珊揸车技术有几辣，相信狗仔队一清二楚，其实佢认路都很犀利，从哪条大路转入小路，连街道名也能清晰念出。访问当日，林夏薇从电视城驾车赶来，期间因天雨遇上大塞车，令本身认路麻麻的她更加慌张，一度走错路，频频致电子珊问路，子珊即人肉地图王上身，隔空指导她应向哪一个方向走，才能让夏薇「冲出重围」成功抵达。
文：影视组
摄：秦健辉
场地：Taku

二人受访时玩猜包剪揼，输者要为赢家斟茶。

有种想大叫在一起的冲动