Mbwn doek cib raq fwn,
Mbouj raen dumz daengz laj;
Cuengh guh fwen daihbaj;
Song naj(hot) gwnz ceiq gyaeu(ndei)!I

Cuengh bakmengx,
Lumj bauqrengh baenz byen;
Bonjfaenh caemh byaekhemz,
Lij bae bemx byaeksoemj.

Caez guhfwen caemh angq,
Raeuz gaej dangq laenhcaen;
Miz hotlawz mbouj baenz;
Muengh bouxsae gaij soh.
@壮家人壮壮I

Mbouj yungh gaij,
Catsaij gvaq cij gvai;
Cax gwnz daiz,
Baenz(muz) lai de cij raeh.

Goet gvai deng Byaekhamz,
Lamz nuengx caemh byaekgat,
Dangq gang roengz gyu cat,
Mwngz yaek hat maz dem.
@DaegcuenghI

Nuengx miz hauq nuengx naeuz,
Raeuz miz fwen mbouj ce,
Oiq caemh mbouj lwgngez,
Cam mwngz veh hot laeng.
@DaegcuenghI

Fwen Daegcuengh caenh gyaeu,
Caeuz beix hix mbouj noix,
Dan nuengx vax coenz oiq,
Caj mwngz coih coenz ndei.
@壮家人壮壮I

Son ndaej ngamq,
Song yamq fwen baenz baiz;
Son ndaej gvai;
Gang lai roengz rox byot.
@壮家人壮壮 I

Oiq caemh mbouj lwgngez,
Raen gwnz nge miz mak;
Siengj gwn lau doek dat;
Mwngz hozndat dangq maz.
I

Fwhcou daengngoenz ndat,
Ceiq ngamq dak byaekhamz;
Byaeksoemj cimq ndaw gang;
Lau nanz raen ndaej ndit.
I

Byaeksoemj nem byaekndangj,
Cingq ngamj ndaej caemh daiz;
Bouxboux fwen cungj gvai,
Mij boux lai boux noix.
Bouxboux fwen cungj gvai,
Mij boux lai boux noix;
Beixnuengx vunz guhdoih,
Caez fwendoiq fwenbaiz.I