发哥话，如果俾佢拍《冲上云霄III》，佢一定做Captain，仲要问乘:table for two？如果发哥真系肯拍剧，相信佢要求任何嘢，电视台都会应承，但发哥又补充话:「不过我怕捱唔住。」系喎，到时都可能有床戏，体力消耗好大。发哥话:「我就冇乜所谓，不过唔知周太点，不过你哋问问周太先啦。」
之后他又评论杏儿的角色说：「上辑我冇睇，但系今辑系咪要咁硬对佢大佬呀？杀死人咁。」问发哥觉得边个做得最好，佢就话:「个个都好好。」
讲讲吓，发哥忽然推介另一个剧——就系8点半被忽视咗嘅《师父，明白了》。发哥话:「其实8点半都好睇吖(指《师父‧明白了》)，麦包(麦长青)做得好好，翠如BB又做得好0架。」发哥连翠如BB都识？但凌晨十二点翻做嘅《溏心风暴》，发哥就话之前睇过，唔使再睇喎。