苟芸慧 梁烈唯 兄妹唔过电
2013/05/19
唯唯不时帮助苟姑娘，又氹她开心，笑言有信心鍊赢苟姑娘的追求者。
对女友专一的唯唯与苟姑娘坦诚相对，彼此了解甚深，肯定不会传出绯闻。
经常笑的唯唯坦言自己好情绪化。
梁烈唯（唯唯）、苟芸慧（苟姑娘）属同一位经理人，二人视大家如兄妹般，之后拍电视剧《飞虎》而更为熟落，苟芸慧不时找唯唯做倾诉对象，面对这个感情丰富又易哭的女孩子，唯唯都「冇有怕」，还叫苟姑娘想哭就哭，纵使二人关系密切，但面对苟芸慧这个「绯闻」惹火尤物，他们都没有传过绯闻。
梁：梁烈唯
苟：苟芸慧
指导演戏 陪伴左右
拍剧经验尚浅的的苟姑娘在《飞虎》一剧要挑战颇多的内心戏，热心的唯唯不时作出指导，更在她需要帮助时陪伴身边，此举却令工作人员误会他有意追求苟姑娘！
梁：我哋拍《飞虎》之前已经系同一经理人，但系点熟o架？
苟：真系开始熟系拍《飞虎》，大家喺剧中做一对。你亦系我老师，因为呢个系我第一个有较多内心戏嘅剧，你同导演指导我去拍摄。
梁：你拍《飞虎》个角色系移情别恋嘅十三点，有少少差池就会令人反感，而且我个角色出嚟好讨好，所以你个角色就更乞人憎，搞到网民闹你。我私底下都成日氹你开心，啲工作人员以为我追你，不过我话你知，如果我真系追你，啲人实输畀我，因为我喺你最需要人帮时陪伴你身边。
苟：你嘅个性同我几似，你谂嘢嘅出发点都好似我，但你系成熟啲，好似我哥哥咁。
梁：我会代入你嘅角度谂，我入行比你耐，明白你感受，人系需要经历，有时都要等你去碰吓撞吓！你好勤力，但啲人只睇到你外表，所以好多时我都想提你，有乜可以避重就轻，咁就唔会畀人觉得你只系一个花瓶，你已经有个「女神」代号，但要继续努力，咁好快就会成功。你优点系善解人意，从来都唔会令人觉得你恃靓行凶。
苟：我会保持距离嘅，人与人之间相处要好坦白，你女朋友一定好了解你。
梁：我觉得男艺人唔好怕喺女友面前讲女艺人，就算平时都可以一齐约埋出嚟，如果真系有嘢咪会避罗！
坦诚相对 毋须避忌
谈到对方的优点和缺点，唯唯认为苟姑娘杞人忧天，但亦有坚强的一面，而苟姑娘则大赞爱笑的唯唯成熟又善良，二人更因为坦诚相对，绝不担心会传出绯闻。
梁：不过我觉得你嘅缺点系谂得太多无谓嘢，反而正面啲去谂会开心啲。但喺拍《仁心解码II》时你好坚强，当时你比较新，个导演对你信心唔够，所以比较恶，拍嗰阵见你想喊咁！但你不断去试，做到佢要求为止，呢个心态比好多人强。
苟：其实喺压力下我唔识表达自己，可能人哋对我冇信心，所以要就一就自己情绪，呢个需要时间罗！
梁：同埋你爆完对件事冇帮助，反而仲衰，你要畀佢知，我虽然靓，但都做到。咁你觉得我有乜优点？
苟：你虽然经常笑哈哈，但其实好有深度，以你嘅年龄嚟讲你已经好成熟，同埋你好善良，唔会点人。
梁：点解我哋未传过绯闻？因为冇人影过？
苟：可能我哋都好坦白，从来冇避忌过，我哋知道大家几时讲笑、几时认真，所以唔会有错觉，同埋我觉得你好专一。
梁：我为佢（女朋友）做咗好多，做到嘅我都会做。相反我嘅缺点系畀人觉得我太开心，但当我静落嚟，就会畀人觉得好恶，我都好情绪化，我觉得做娱乐圈失去咗一份真，就算假都要笑。
苟：呢个我都想讲，嚟香港之前我唔知，但每一日我都挣扎究竟系要做真嘅我定系点，我已经好大压力，但仲要顾及人感受会好辛苦，呢个要自己平衡。
对抗绯闻 一笑置之
苟姑娘对绯闻甚为「惹火」，自言说话技巧一般的她面对传媒追问时难免紧张，而唯唯在娱乐圈打滚多年，认为做人要圆滑，总之面对绯闻最紧要一笑置之。
梁：我见到你啲绯闻好戥你唔抵！点解要咁样屈人，啲观众真系咁想睇咩？我唔觉罗！作都唔紧要，但唔好有攻击性罗！你都唔好咁紧张，谭校长成日训示我，佢话你啱啱起步，做人要圆滑，娱乐新闻就系娱乐新闻，好似上次话我殴打兼强奸人，佢都惊我唔开心，叫我笑吓就算。
苟：我哋嘅行为其实好影响社会，我都明白传媒嘅工作，但有啲嘢真系接受唔到，好多时有新闻出现我会检讨自己先，有时我唔系有心，但系讲嘢技巧唔够，每次答记者问题都好惊。
梁：有啲传媒系畀个氹你踩，答乜都死，又去番校长讲嗰句，娱乐新闻就系娱乐新闻，一笑置之就算！
后记：唔怕女仔喊
苟芸慧是一个很眼浅的人，有一次遭杂志写她「车震」，令到她於一个记者会上哭成泪人，唯唯当时在场，他坦言监制、高层乐易玲都叫他埋去看看她，殊不知却换来被记者写他博宣传，认真无辜。二人访问时，苟姑娘说到委屈时，都忍不住眼湿湿，但唯唯不但不怕苟姑娘哭，更谓：「千祈唔好忍住，想喊就喊，想嬲就嬲，唔好收埋。」这就是他俩相处的方式。
摄：沈健程
场地：美丽华商场
2013/05/19
唯唯不时帮助苟姑娘，又氹她开心，笑言有信心鍊赢苟姑娘的追求者。
对女友专一的唯唯与苟姑娘坦诚相对，彼此了解甚深，肯定不会传出绯闻。
经常笑的唯唯坦言自己好情绪化。
梁烈唯（唯唯）、苟芸慧（苟姑娘）属同一位经理人，二人视大家如兄妹般，之后拍电视剧《飞虎》而更为熟落，苟芸慧不时找唯唯做倾诉对象，面对这个感情丰富又易哭的女孩子，唯唯都「冇有怕」，还叫苟姑娘想哭就哭，纵使二人关系密切，但面对苟芸慧这个「绯闻」惹火尤物，他们都没有传过绯闻。
梁：梁烈唯
苟：苟芸慧
指导演戏 陪伴左右
拍剧经验尚浅的的苟姑娘在《飞虎》一剧要挑战颇多的内心戏，热心的唯唯不时作出指导，更在她需要帮助时陪伴身边，此举却令工作人员误会他有意追求苟姑娘！
梁：我哋拍《飞虎》之前已经系同一经理人，但系点熟o架？
苟：真系开始熟系拍《飞虎》，大家喺剧中做一对。你亦系我老师，因为呢个系我第一个有较多内心戏嘅剧，你同导演指导我去拍摄。
梁：你拍《飞虎》个角色系移情别恋嘅十三点，有少少差池就会令人反感，而且我个角色出嚟好讨好，所以你个角色就更乞人憎，搞到网民闹你。我私底下都成日氹你开心，啲工作人员以为我追你，不过我话你知，如果我真系追你，啲人实输畀我，因为我喺你最需要人帮时陪伴你身边。
苟：你嘅个性同我几似，你谂嘢嘅出发点都好似我，但你系成熟啲，好似我哥哥咁。
梁：我会代入你嘅角度谂，我入行比你耐，明白你感受，人系需要经历，有时都要等你去碰吓撞吓！你好勤力，但啲人只睇到你外表，所以好多时我都想提你，有乜可以避重就轻，咁就唔会畀人觉得你只系一个花瓶，你已经有个「女神」代号，但要继续努力，咁好快就会成功。你优点系善解人意，从来都唔会令人觉得你恃靓行凶。
苟：我会保持距离嘅，人与人之间相处要好坦白，你女朋友一定好了解你。
梁：我觉得男艺人唔好怕喺女友面前讲女艺人，就算平时都可以一齐约埋出嚟，如果真系有嘢咪会避罗！
坦诚相对 毋须避忌
谈到对方的优点和缺点，唯唯认为苟姑娘杞人忧天，但亦有坚强的一面，而苟姑娘则大赞爱笑的唯唯成熟又善良，二人更因为坦诚相对，绝不担心会传出绯闻。
梁：不过我觉得你嘅缺点系谂得太多无谓嘢，反而正面啲去谂会开心啲。但喺拍《仁心解码II》时你好坚强，当时你比较新，个导演对你信心唔够，所以比较恶，拍嗰阵见你想喊咁！但你不断去试，做到佢要求为止，呢个心态比好多人强。
苟：其实喺压力下我唔识表达自己，可能人哋对我冇信心，所以要就一就自己情绪，呢个需要时间罗！
梁：同埋你爆完对件事冇帮助，反而仲衰，你要畀佢知，我虽然靓，但都做到。咁你觉得我有乜优点？
苟：你虽然经常笑哈哈，但其实好有深度，以你嘅年龄嚟讲你已经好成熟，同埋你好善良，唔会点人。
梁：点解我哋未传过绯闻？因为冇人影过？
苟：可能我哋都好坦白，从来冇避忌过，我哋知道大家几时讲笑、几时认真，所以唔会有错觉，同埋我觉得你好专一。
梁：我为佢（女朋友）做咗好多，做到嘅我都会做。相反我嘅缺点系畀人觉得我太开心，但当我静落嚟，就会畀人觉得好恶，我都好情绪化，我觉得做娱乐圈失去咗一份真，就算假都要笑。
苟：呢个我都想讲，嚟香港之前我唔知，但每一日我都挣扎究竟系要做真嘅我定系点，我已经好大压力，但仲要顾及人感受会好辛苦，呢个要自己平衡。
对抗绯闻 一笑置之
苟姑娘对绯闻甚为「惹火」，自言说话技巧一般的她面对传媒追问时难免紧张，而唯唯在娱乐圈打滚多年，认为做人要圆滑，总之面对绯闻最紧要一笑置之。
梁：我见到你啲绯闻好戥你唔抵！点解要咁样屈人，啲观众真系咁想睇咩？我唔觉罗！作都唔紧要，但唔好有攻击性罗！你都唔好咁紧张，谭校长成日训示我，佢话你啱啱起步，做人要圆滑，娱乐新闻就系娱乐新闻，好似上次话我殴打兼强奸人，佢都惊我唔开心，叫我笑吓就算。
苟：我哋嘅行为其实好影响社会，我都明白传媒嘅工作，但有啲嘢真系接受唔到，好多时有新闻出现我会检讨自己先，有时我唔系有心，但系讲嘢技巧唔够，每次答记者问题都好惊。
梁：有啲传媒系畀个氹你踩，答乜都死，又去番校长讲嗰句，娱乐新闻就系娱乐新闻，一笑置之就算！
后记：唔怕女仔喊
苟芸慧是一个很眼浅的人，有一次遭杂志写她「车震」，令到她於一个记者会上哭成泪人，唯唯当时在场，他坦言监制、高层乐易玲都叫他埋去看看她，殊不知却换来被记者写他博宣传，认真无辜。二人访问时，苟姑娘说到委屈时，都忍不住眼湿湿，但唯唯不但不怕苟姑娘哭，更谓：「千祈唔好忍住，想喊就喊，想嬲就嬲，唔好收埋。」这就是他俩相处的方式。
摄：沈健程
场地：美丽华商场
