梁烈唯捱出头靠胡定欣点醒
2013/05/12
梁烈唯与胡定欣识於微时，二人曾传绯闻但实是好友。星途上胡定欣比梁烈唯来得顺畅，多得胡定欣的金石良言，令一度迷失的梁烈唯重新振作，才有今时今日的成绩。
梁烈唯笑言胡定欣给他的金石良言，亦铭记於心。
交情深厚的梁烈唯与胡定欣，传绯闻亦不会感到尴尬。
梁烈唯与胡定欣谈到往事，不停斗气讲笑。
胡：胡定欣 梁 ：梁烈唯
闺中密友
胡：我同你拍《我的野蛮奶奶》时装版时认识。最记得有次大家去跑马地饮嘢，被传媒影到就传出绯闻。
梁 ：我哋嗰时仲行咗去便利店，见到出咗一款限量版避孕套，仲喺度指指点点，好在当时我无拎上手，否则就水洗都唔清。
胡：六年前嘅事啦。我记得仲有一次你帮我拎猫沙，传媒又影到，报道话你系我嘅观音兵。嗰阵时你都唔系咁多人识，得张圈头图片咋。
梁 ：系罗！其实你只系我闺中密友之嘛！
胡：系喎，仲要你女朋友Tina都系我Lower Form嘅中学同学！当日你介绍Tina畀我识，我眼都凸埋。我心目中嘅Tina点会同你拍拖，佢唔会拣你呢一类型罗。你成个花弗死o靓仔！
梁 ：唔止你，连佢阿妈都系咁讲。当年佢阿妈话我哋最多只会拍到一个星期拖，结果我哋就拍咗十年。其实我追咗Tina好耐o架嘞，至今一日都无花弗过。
胡：直到工作上成日见到你，你会同我讲Tina嘅嘢，我先知道你同女友相处之道，经历咗好多嘢，好想快啲见到你哋拉埋天窗。呢几年见你工作上一步一步向上，戥你好开心。
放弃自己
梁 ：你记唔记得，08年你同我讲过一句说话。嗰年我第一次有电视奖项提名，虽然我无攞任何奖，但无失望。你仲行埋嚟同我讲唔使灰心，你话「未到就系未到，到嗰时就会到」，呢句说话我一直记到今日。
胡：呢句说话我成日同自己讲。但其实你2000年入行，我2002年先入行，你先系我前辈喎。
梁 ：以前我会觉得我行嗰条路好辛酸，无论几努力都无人睇到，依家谂番其实系每个艺人都会必经。无经历就无今日嘅我。「捱」嘅过程对一个艺人嚟讲好重要，日后你先会珍惜。
胡：最辛酸发生过咩事？
梁 ：当年拍《上海传奇》其实系唔够骚得好紧要，公司仲要出信畀各大监制叫大家多啲用我。到开拍时有个制片叫我去服装车自己拎衫，我上到车见到几个艺人，佢哋问我「你上嚟做乜，乜套戏你有份咩？」我话我有份做债仔，佢就话「车尾有套衫写住『债仔』系畀特约演员，咁应系你o架嘞。」嗰一刻我感觉到好似一刀插入心，好想喊。
胡：我比较好彩，读完训练班就做实习，一开始已经拍《冲上云霄》做马德钟个妹。但套剧未出街前，我都系做啲行行企企啲角色，喺《皆大欢喜》仲同时做两个角色。听到你嘅经历，我觉得自己好幸运，无遇到唔开心事，令到我更加珍惜。
梁 ：其实我放弃过自己一段时间。06年左右我觉得自己喺电视台无乜机会，反省自己系咪唔适合喺电视圈。之后我跟朋友喺夜店打碟维持生计，做埋驻场一做就九个月，但后尾发觉夜生活令到自己无晒生机，个人好灰无晒路向，跟住我同个天讲，如果畀多次机会我返入电视台，我会好认真咁做。点知个天真系听到，公司搵我返去拍《尖子攻略》。
胡：我有时喺工作上遇到好多问题，都会迷惘唔知点再行落去。我唔开心系觉得自己能力出现问题，我会问点解呢个工作唔系我做嘅？最终我明白等待机会系基本步。娱乐圈系一个长途赛，无人知机会几时嚟。但你决定咗要参赛玩落去，你就要畀心机去做。
捱穷死撑
梁 ：当年返咗公司开剧，为咗继续做落去我知我要练大只装备。因为我无钱，但我坚持每个月出粮我先交健身会费用，因为可以去冲凉、睇杂志。每个月一出粮我就去超市买定啲米纷、即食水饺等粮食，最少一定有嘢食。
胡：系真o架。早排佢话要同公司倾调整合约，打畀我问我意见，我先知佢当时月薪有几多。我第一个反应「吓？你讲真o架！」无谂过会系一个咁嘅数字，我反问佢「你平时点生活o架？点悭点唔用钱，你都要生活o架……」
梁 ：以前同事约食饭，因为无钱我唔敢去。最遗憾陈国邦同罗敏庄结婚请我去饮，我同佢讲我要去开工去唔到，其实系我无钱做人情，我嗰日仲要失踪怕畀人搵到。又试过胡杏儿开完迷你演唱会庆功，我有去但无食嘢，心谂我无食嘢无人会叫我夹钱啩？
胡：你旧乌云依家过咗，我唔使再为你担心嘞。
梁 ：仲有呀！好耐之前我有问过张智霖畀着过嘅旧衫我。佢话佢着过唔系咁好意思，但我话无所谓，总好过我出席活动无衫着，真系要好多谢佢！
胡：继续向前望啦，我希望再做好啲，有多啲发挥机会嘅角色，奖就唔谂咁多住嘅。
梁 ：我就希望有多啲工作，有几多做几多。我可以唔使瞓o架。
后记
胡定欣与梁烈唯肯定不是情侣，而是一对很交心的好朋友。访问期间，二人对对方的事情了如指掌。问到对方过去，总喜欢抢答，而且快而准。访问过程笑声不绝，不会感到二人打情骂俏，却见他们顶撞斗气。
2013/05/12
梁烈唯与胡定欣识於微时，二人曾传绯闻但实是好友。星途上胡定欣比梁烈唯来得顺畅，多得胡定欣的金石良言，令一度迷失的梁烈唯重新振作，才有今时今日的成绩。
梁烈唯笑言胡定欣给他的金石良言，亦铭记於心。
交情深厚的梁烈唯与胡定欣，传绯闻亦不会感到尴尬。
梁烈唯与胡定欣谈到往事，不停斗气讲笑。
胡：胡定欣 梁 ：梁烈唯
闺中密友
胡：我同你拍《我的野蛮奶奶》时装版时认识。最记得有次大家去跑马地饮嘢，被传媒影到就传出绯闻。
梁 ：我哋嗰时仲行咗去便利店，见到出咗一款限量版避孕套，仲喺度指指点点，好在当时我无拎上手，否则就水洗都唔清。
胡：六年前嘅事啦。我记得仲有一次你帮我拎猫沙，传媒又影到，报道话你系我嘅观音兵。嗰阵时你都唔系咁多人识，得张圈头图片咋。
梁 ：系罗！其实你只系我闺中密友之嘛！
胡：系喎，仲要你女朋友Tina都系我Lower Form嘅中学同学！当日你介绍Tina畀我识，我眼都凸埋。我心目中嘅Tina点会同你拍拖，佢唔会拣你呢一类型罗。你成个花弗死o靓仔！
梁 ：唔止你，连佢阿妈都系咁讲。当年佢阿妈话我哋最多只会拍到一个星期拖，结果我哋就拍咗十年。其实我追咗Tina好耐o架嘞，至今一日都无花弗过。
胡：直到工作上成日见到你，你会同我讲Tina嘅嘢，我先知道你同女友相处之道，经历咗好多嘢，好想快啲见到你哋拉埋天窗。呢几年见你工作上一步一步向上，戥你好开心。
放弃自己
梁 ：你记唔记得，08年你同我讲过一句说话。嗰年我第一次有电视奖项提名，虽然我无攞任何奖，但无失望。你仲行埋嚟同我讲唔使灰心，你话「未到就系未到，到嗰时就会到」，呢句说话我一直记到今日。
胡：呢句说话我成日同自己讲。但其实你2000年入行，我2002年先入行，你先系我前辈喎。
梁 ：以前我会觉得我行嗰条路好辛酸，无论几努力都无人睇到，依家谂番其实系每个艺人都会必经。无经历就无今日嘅我。「捱」嘅过程对一个艺人嚟讲好重要，日后你先会珍惜。
胡：最辛酸发生过咩事？
梁 ：当年拍《上海传奇》其实系唔够骚得好紧要，公司仲要出信畀各大监制叫大家多啲用我。到开拍时有个制片叫我去服装车自己拎衫，我上到车见到几个艺人，佢哋问我「你上嚟做乜，乜套戏你有份咩？」我话我有份做债仔，佢就话「车尾有套衫写住『债仔』系畀特约演员，咁应系你o架嘞。」嗰一刻我感觉到好似一刀插入心，好想喊。
胡：我比较好彩，读完训练班就做实习，一开始已经拍《冲上云霄》做马德钟个妹。但套剧未出街前，我都系做啲行行企企啲角色，喺《皆大欢喜》仲同时做两个角色。听到你嘅经历，我觉得自己好幸运，无遇到唔开心事，令到我更加珍惜。
梁 ：其实我放弃过自己一段时间。06年左右我觉得自己喺电视台无乜机会，反省自己系咪唔适合喺电视圈。之后我跟朋友喺夜店打碟维持生计，做埋驻场一做就九个月，但后尾发觉夜生活令到自己无晒生机，个人好灰无晒路向，跟住我同个天讲，如果畀多次机会我返入电视台，我会好认真咁做。点知个天真系听到，公司搵我返去拍《尖子攻略》。
胡：我有时喺工作上遇到好多问题，都会迷惘唔知点再行落去。我唔开心系觉得自己能力出现问题，我会问点解呢个工作唔系我做嘅？最终我明白等待机会系基本步。娱乐圈系一个长途赛，无人知机会几时嚟。但你决定咗要参赛玩落去，你就要畀心机去做。
捱穷死撑
梁 ：当年返咗公司开剧，为咗继续做落去我知我要练大只装备。因为我无钱，但我坚持每个月出粮我先交健身会费用，因为可以去冲凉、睇杂志。每个月一出粮我就去超市买定啲米纷、即食水饺等粮食，最少一定有嘢食。
胡：系真o架。早排佢话要同公司倾调整合约，打畀我问我意见，我先知佢当时月薪有几多。我第一个反应「吓？你讲真o架！」无谂过会系一个咁嘅数字，我反问佢「你平时点生活o架？点悭点唔用钱，你都要生活o架……」
梁 ：以前同事约食饭，因为无钱我唔敢去。最遗憾陈国邦同罗敏庄结婚请我去饮，我同佢讲我要去开工去唔到，其实系我无钱做人情，我嗰日仲要失踪怕畀人搵到。又试过胡杏儿开完迷你演唱会庆功，我有去但无食嘢，心谂我无食嘢无人会叫我夹钱啩？
胡：你旧乌云依家过咗，我唔使再为你担心嘞。
梁 ：仲有呀！好耐之前我有问过张智霖畀着过嘅旧衫我。佢话佢着过唔系咁好意思，但我话无所谓，总好过我出席活动无衫着，真系要好多谢佢！
胡：继续向前望啦，我希望再做好啲，有多啲发挥机会嘅角色，奖就唔谂咁多住嘅。
梁 ：我就希望有多啲工作，有几多做几多。我可以唔使瞓o架。
后记
胡定欣与梁烈唯肯定不是情侣，而是一对很交心的好朋友。访问期间，二人对对方的事情了如指掌。问到对方过去，总喜欢抢答，而且快而准。访问过程笑声不绝，不会感到二人打情骂俏，却见他们顶撞斗气。
